Portugal- Conselho de Imprensa de Timor-Leste no Entidade Reguladora Comunicaçâo Social , ERC Portugal kompromete hametin koperasaun ba futuru iha área jornalízmu no Komunikasaun sosiál.
Kompromísiu ne'e hato'o iha ámbitu vizita Prezidente Conselho Imprensa Timor-Leste, Otélio Ote ho delegasaun iha ERC, bainhira hala’o vizita ba ERC-Portugal iha ne'ebé simu direta husi Prezidente ERC Dra. Helena Sousa no membru hotu.
Prezidente Otélio iha enkontru ne'e hatete katak objetivu vizita ba ERC maka atu atualiza hikas memorandu intendimentu ne'ebé eziste ona no kontestualiza tuir situasaun entidade ida-idak atu nune'e bele hetan vantazen mutua.
Iha sorin seluk Presidente ERC, Dra. Helena Sousa agradese vizita delegasaun Conselho Imprensa Timor-Leste nian no kompromete atu hametin liu tan kooperasaun ho Conselho Imprensa tuir área intervensaun ne'ebé sai prioridade iha esfera jornalízmu no Komunikasau sosiál hodi hasoru dezafiu constante no kontemporaneu sira.