Tuir artigo 43.º atribuisaun sira ne’ebé esensiál Lei N.º 5 /2014 de 19 de Novembro Lei da Comunicação Social, ne’ebé hatete; Conselho de Imprensa iha atribuisaun importante sira atu tau matan ba konduta profisionál no étika kona-ba profisionál sira jornalizmu no operadór meiu komunikasaun sosiál nian sira, nune’e mós garante atu kumpri kondisaun sira ba asesu no hala’o atividade jornalístika sira.
Ho preseitu ida ne’e, CI ninia supervizaun ba produtu jornalistiku sira ne’ebe publika iha meius komunikasaun sosial haktuir ba deveres sira ne’ebe previstu iha artigo 3.º nomos artigo 17.º inkompatibilidade profisaun jornalista sira nian. Alem de previzaun iha lei komunikasaun sosial Conselho de Imprensa mos superviziona produtu jornalistiku sira ho baze ba Código de Ética Jornalística.
Ho baze ba previsaun legal no étika hirak ne’e haktuir ba rezultadu supervizaun Conselho de Imprensa nian notifika ona jornalista sira ho kazu sira iha tinan 2021-2024 hanesan tuir mai ne’e:
|
Nu |
Tipo kazu |
Total |
|
1 |
Disiplinar ba Jornalista sira |
12 |
|
2 |
Inkompatibilidade profisaun jornalista |
14 |
|
3 |
Direitu Resposta no Retifikasaun |
4 |
Ho baze ba kazu sira ne’e mak plenária Conselho de Imprensa aplika ona pena adverténsia registrada ba kazu disiplinar sira no entantu kazu inkompatibilidade ho direitu resposta la aplika pena tamba jornalista hirak nebe komete kazu inkompatibilidade no direitu resposta no retifikasaun kumpri sira nia dever. Iha kazu sira disiplinar plenáriu Conselho de Imprensa bele aplika pena sira seluk ne’ebe previstu iha Regulamentu N.º 5/2017, loron 4 fulan Abril, Prosedimentu Disiplinár Hasoru Jornalista sira no Publikasaun sira hanesan pena Suspensão do exercício da actividade profissional até 12 meses, Sanção Pecuniária no interdição definitiva do exercício da actividade profissional.
Ho nune’e Conselho de Imprensa avisa ba jornalista no orgaun komunikasaun sosial sira ne’ebe hetan ona notifikasaun atu kumpri Lei komunikasaun sosial no Código de Ética Jornalística sira nian hodi labele kontinua komete kazu sira ne’ebe viola direitu públiku sira nian. Wainhira la kumpri diretiva ida ne’e maka, plenáriu sei foti pena maximu sira nebe regula iha regulamentu disiplinar ba jornalista no meius komunikasaun sosial nian.
Ne’e de'it maka, ami hakarak komunika, ba atensaun no kolaborasaun la haluha hato’o obrigadu wain.