Dili – Conselho de Imprensa de Timor-Leste (CI) serbisu hamutuk ho Australian Broadcasting Corporate International Development (ABCID) realiza atividade lansamentu matadalan jornalízmu inkluzivu.
Atividade lansamentu ne’e hala’o iha salaun Suai Room, Timor Plaza, Dili, iha loron iha loron 16 Abril 2024, ho total partisipante 108, Feto 48-Mane 60, kompostu husi komunidade mídia, komunidade LGBQI+, komunidade portadores defisiente, komunidade relijiozu no sosiedade sivíl.
Matadalan jornalízmu inkluzivu ne’e bele tulun jornalista sira iha hakerek, edit no publikasaun sira ne’ebé foka liu ba iha diversidade oioin. Iha ema sira ho seksu feto, mane no inter-seksu. Iha ema ho defisiénsia, ne’ebé nia tipu ka forma oioin. Iha ema sira ho orientasaun seksuál heterosexual, iha mós ema ho orientasaun seksuál homosexual. Iha ema ne’ebé “bermanek” iha mós ema “bui-feto.” Hare husi etnia/rasa, iha ema Fataluku, Mambae, Kemak, Atoni, Árabe Timor, Xina Timor, Makassae, no seluk-seluk tan. Iha Timor-Leste, relijiaun mós iha oioin, hanesan Kristaun Katólika, Kristaun Protestante, Islam, no seluk tan.
Aleinde ne’e, Matadalan ne’e mós bele ajuda jornalista sira iha kobertura ba asuntu diversidade ne’ebé sempre akontese iha komunidade nia leet hanesan hanesan diferensa seksu, jéneru (inklui identidade no espresaun jéneru), etnia, rasa, relijiaun, estadu edukasaun, klase, diferensa abilidade fízika ka kognitiva, no seluk tan. Diferensa sosiál iha oioin, hanesan diferensa seksu, jéneru (inklui identidade no espresaun jéneru), etnia, rasa, relijiaun, estadu edukasaun, klase, diferensa abilidade fízika ka kognitiva, no seluk tan. Diversidade mak kondisaun naturál umanu.
Produsaun Matadalan Jornalízmu Inkluzivu ne’e nu’udar parte iha husi kooperasaun ne’ebé Conselho de Imprensa de Timor-Leste (CI) estabelese ho Broadcasting Corporate International Development (ABCID), iha loron 6 Juñu 2024, iha postu administrative Balibo, Munisípiu Bobonaro.
Tanba ne’e Conselho de Imprensa de Timor-Leste (CI) koopera ho Australian Broadcasting Corporate International Development (ABCID) dezenvolve ona Matadalan Jornalizmu Inkluzivu atu jornalista sira refleta diversidade iha sira nia kobertura sira.
Antes lansa Matadalan Jornalizmu Inkluzivu, Conselho de Imprensa realiza “Validasaun Matadalan Jornalizmu Inkluzivu” iha Kinta-feira, 1 Fevereiru 2024, iha Salaun Konferénsia Conselho de Imprensa de Timor-Leste (CI), ho partisipante mai husi Organizasaun ema ho defisiente., Organizasaun LGBTQI+, Lia na’in, Ativista, Organizasaun Mídia, joven. Reprezentante komunidade relijiozu, Feto: 10, Mane: 19, Total: 29. (CI)