Oecusse – Conselho de Imprensa de Timor-Leste (CI) serbisu hamutuk Australia Broadcasting Coorporation-International Development (ABC-ID), realiza “Journalism Fundamentals Training”.
Partisipa iha treinamentu ne’e, jornalista hamutuk na’in 24, kompostu husi feto na’in 10 no mane na’in 14, iha salaun enkontru Madre Dominicana, Santa Rosa, Oecusse. Formasaun ne’e realiza durante loron tolu (Segunda-kuarta, 14-16 agostu 2023).
Iha enseramentu, Prezidente CI, Otelio Ote hato’o agradese wa’in ba ABC-ID tanba bele fasilita ona Jornalista timoroan sira nune’e bele eleva sira nia koñesimentu iha área jornalízmu nian.
Otelio Ote mós enkoraja partisipantes sira atu bele implementa saída maka apriende ona durante formasaun hodi bele hadi’ak di’ak liutan produtu jornalístiku iha órgaun no meiu komunikasaun sosiál ne’ebé hakna’ar-an ba.
Jornalista hirak ne’e maihusi mídia online sira “Naunil Media, Hatutan.com, Lian Orluli”, jornal “Timor-Post, STL, Independente no Diariu Nasional”, jornalista no jestór rádiu komunidade, inklui mídia estatal rua hanesan Rádiu Televizaun Timor-Leste, Empreza Públika (RTTL, EP) no Ajénsia Notisioza TATOLI.IP.
Materia ba treinamentu jornalízmu báziku maka hanesan loron primeiru, the role of journalists, what is news and finding stories no Timor-Leste journalism code of ethics.
Iha loron segundu maka research skill and interviewing style and techniques, interviewing preparation and practice & critical thingking as a journalist, thingking about diversity, writing different platforms; radio, digital, TV and online.
Tama ba loron ikus, materia sira ko’alia kona-ba reporting on gender-based violence, writing different platforms, thinking in pictures (taking photo on mobile phones), social media tips and tricks-including writing for social media.
Formadór sira ba treinamentu ne’e maka, Alberico da Costa Junior, hanesan Diretór Diresaun Análiza Dezenvolvimentu Mídia, parte husi ABC-ID nian maka Michael Coggan no Caroline Winter, fasilitadór lokál ba formasaun ne’e maka, Maria Bibel, Santino Dare Matias, Estanislau da Costa, Liliosa Amaral, David Dias Gonçalves.
Iha loron ikus, taka ho serimónia atribuisaun sertifikadu ba jornalista sira, husi Prezidente Autoridade Reziaun Administrativa Espesiál Oecusse Ambeno (RAEOA), Arsenio Paixão Bano, Prezidente Conselho de Imprensa, Otelio Ote, Formadór sira husi ABC-ID, Michael Coggan no Caroline Winter. (CI)