Dili, 31/07/2023 – Conselho de Imprensa de Timor-Leste (CI) hala’o audiénsia ho Prezidente Parlamentu Nasionál (PN), Segunda-feira ne’e, iha gabinete Prezidente Parlamentu Nasionál.
Iha enkontru ne’e, Conselho de Imprensa hato’o ba Prezidente Parlamentu Nasionál kona-ba aujente membru ida hanesan Expedito Loro Dias Ximenes atuál Sekretáriu Estadu Komunikasaun Sosiál.
Conselho de Imprensa husu atu Parlamentu Nasional bele hili hikas membru Conselho de Imprensa foun hodi substitui hikas pozisaun Konselleiru sesante Expedito Loro Dias Ximenes ne’ebé antes ne’e Parlamentu Nasionál maka nomeia sai nu’udar membru Conselho de Imprensa ba mandate períodu tinan 2021-2025.
Alein de ne’e, liuhusi enkontru refere, hato’o mós progresu serbisu sira Conselho de Imprensa nian no husu atu Prezidente Parlamentu Nasionál bele marka ajenda plenária id aba Conselho de Imprensa hodi bele hato’o nia relatóriu anuál ba na’I no lou deputadu sira liuhusi sesaun plenária iha uma fukun Parlamentu Nasionál.
Marka prezensa iha enkontru ne’e, Prezidente Parlamentu Nasional, Maria Fernanda Lay, Vise II Parlamentu Nasional, Alexandrino Afonso Nunes, Prezidente Conselho de Imprensa, Otelio Ote, Konselleiru Benevides Correia Barros, Diretór Ezekutivu CI, Antonio Dias, Pesoa Gabinte CI, Angelina Gusmão.