Dili,14/06/202- Estudante Universidade Nacional Timor Lorosa’e (UNTL), Liuhusi Faculdade Ciênsias Sociais no Departamentuo Comunicação Social (DCS) retira ona sira nia estájiu profesional nain 4 iha Conselho de Imprensa de Timor-Leste (CI).
Professora orentadora Maria Isabel Moreira, hodi departamentu nia naran agradese tebes ba CI tanba fasilita fatin ba estudante DCS hodi halo sira nia estájiu profisionál durante fulan 2 no remata iha kuarta-feira (14/06/2023).
“Ha’u hodi departamentu komunikasaun sosiál nia naran agradese tebes ba Conselho de Imprensa tanba bele simu ona ita nia estudante sira ne’e mai halo sira nia estajiu profesional, nune’e mós karik sira halo sala ha’u em nome departamentu husu deskulpa,” esplika Maria Isabel Moreira, iha sermonia ne’ebé hala’o iha salaun enkontru CI, Quarta-feira (14/06/2023).
Dosente ne’e mós espera katak, ba oin Conselho de Imprensa sei fó tan espasu ba estudnate UNTL liu-liu iha Departamentu Comunicasão Social UNTL atu nafatin halo estajiu profesinál iha Conselho de Imprensa.
Iha tempu hanesan Diretór Ezekutivu Interinu CI, António Dias hateten, CI sempre prontu ofrese fatin ba estajiadu UNTL ne’ebé persija hala’o estajiu iha Conselho de Imprensa hodi halo pratika ba siencia ka materia hirak ne’ebé Universitariu sira estuda iha Universidade.
“Ami buka atu tulun ema hotu-hotu, tanba ami labele failita tulun UNTL deit, ita iha Universidade hirak kedas ne’ebé sira mai hosi insinu suprior sira seluk, kuandu sira mai ita tenki fasilita sira, esplika António Dias.
DE Interinu CI ne’e mos apela ba estajiariu sira tenki iha bontade atu kuntinua buka hatene apriende halo servisu ruma iha kualker situasaun no labele depende deit fasilidades kompletu mak foin apriende. Enkuantu durante iha CI estajiariu sira mos aprende kona-ba oinsa halo kobertura, hakerek notisia inklui servisu seluk ne’ebé liga ho asuntu Servisu Komunikasaun Sosiál.
Estajiadu Cornelio de Jesus, agradese tebes ba Coselho de Imprensa tanba faselita ona sira estajiu profesionál durante fulan 2. Enkuantu Estajiada Juvita dos Santos mos agradese ba dedikasaun ne’ebé sira hetan iha CI durante ne’e atu bele susesu iha futuru.
Iha serimonia ne’e Estajiariu UNTL nain hat entrega tais nu’udar lembransa ba Diretór Ezekutivu Interinu CI aktuál Diretór Rekursu Umanus, António Dias, Diretór Diresaun Relasaun Institusionál no Informasaun, Altino da Cruz Freitas ho Diretór Analisa no Desenvolvimentu Mídia, Alberico da Costa Junior, hafoin termina ho foto hamutuk. (CI)