BALIBO, 06/06/2023 - Conselho de Imprensa de Timor-Leste (CI) Asina Nota de Intendimentu ho ABC International Development hodi Ajuda Dezenvolve Media iha Timor-Leste.
Akordu ne’e asina Direitamente husi Prezidente Conselho de Imprensa de Timor-Leste (CI) Otelio Ote, ho Head of ABC-International Development, Jo Elsom, iha Pousada Balibo, akompanha husi Membru CI, Konselleiru Benevides Correia Barros, Konselleiru Amito Qonusere Araújo, Diretór Ezekutivu, Rigoberto Monteiro, inklui Administrador Postu Balibo, Amilcar Tavares no Reprezentante Veteranus.
Diretór Ezekutivu CI -Leste, Rigoberto Monteiro dehan, Nota de Intendimentu ida ne’e asina atu fo tulun ba Timor-Leste liu husi Dezenvolvimentu Mídia liu husi ABC nia Departementu Desenvolvimentu International ou ABC Internasional Development.
Diretór Ezekutivu ne’e dehan, Iha asina nota ne’e buat rua mak importante atu implementa iha Nasaun ne’e liu husi Asina Nota Intendimentu ne’e mak, Mata dalan inklusivu, no Kapsitasaun ba Jornalista sira.
“Projeitu rua nee ida sei halo iha Balibo ida seluk sei halo iha Oecusse, I projeitu hirak nee sei estende iha tinan hirak tuir mai to’o Tinan 4 ida nemak ita sei hahu, Pelumenus tinan ida ne’e ita asina hamutuk ho sira $ 53.000.00 (Sinquenta I tres Mill) Dolar Amerikanu”, esplika DE.
Administrador Postu Balibo, Amilcar Tavares dehan, Nasaun Timor atu hetan nia Ukun Rasik an, Jornalista mos tenki sai spulsa ba Nasaun hotu hotu, ““ Jornalista sira tenki fakar sira nia isin no ran para hateten katak, Timor loron ida sei hetan nia Independensia,” dehan Adminsitrador Postu Balibo.
Nia dehan Balibo mós konhesidu ba Liberdade, katak ema hotu hotu tenki livre ho situasaun, dekolonializasaun, ema tenki espresa ninia hanoin, Liberdade ne’e ba hotu. “ Se ita la fo Liberdade ita viola Konvensaun ba Diretus Humanus nian”, nia dehan.
“Ha’u nia hanoin ho prezensa Conselho de Imprensa ho ABC Australia sira nee atu hatudu katak Balibo tenki sai Sidade ida diak, maske ita foin mak kualia no sidauk iha implementasaun, nune’e nee ba futuru ita asina akordu ida ne’e para Balibo sai kolega lolos ona ho sidade Autralia”, nia esplika.
Iha fatin hanesan mos, Head of ABC-International Development, Jo Elsom, kontente tebes ba oportunidade atu bele servisu hamutuk ho kolega sira iha Conselho de Imprensa.
Nia dehan ABC ho Conselho de imprensa halo istoria tamba nee husi sira nia parte sente agradese tebes, ne’ebe dala barak sira rasik sempre konta tuir demokrasia Nasaun ne’e ba ema bot sira.
“wainhira ami servisu iha Timor Leste ami bele mesak maibe ami bele aprende husi ita tamba ne’e ami hakarak aprende ita nia kultura no ita nia esperensia sira ne’e, ho ida ne’e ami parseria ho ita hodi tutan ita nia istoria ba mundu, tamba ne’e ami sente kontente tebes halo parseria hamutuk ho Conselho de Imprensa iha ne’e ohin loron, nia dehan.
Prezidente Conselho de Imprensa de Timor-Leste (CI) Otelio Ote hateten, ema hotu hatene Timor-Leste foin livre husi Okupasaun, no luta makas desde inisiu kedan to’o agora atu oinsa mak Mídia ne’e eziste nafatin nunee Mundu bele rekonhese katak Timor nia demokrasi mos kontinua moris no buras.
“Ami luta makas too ohin ita asina akordu ne’e signifika dezenvolvimentu buras, I Ami laos halo deit parseria ho Australia maibe halo mos ho seluk ho objektivu ne’ebe hanesan atu oinsa hametin teknikál jornalista, atu oinsa haburas jornalista no halo intelektualidade Mídia halo komunidade Mídia bele kroat liu tan.
Tuir Prezidente Conselho de Imprensa, Timor-Leste presiza tebes formasaun sira ne’ebe iha objektivu atu hametin Instituisaun Mídia sira liu liu jestaun instituisaun Mídia tamba ida ne’e sai hanesan obstaklu bot ida wainhira ema hotu atu kualia konaba kualidade.
“Ita mos presiza estudu komparativu entre jornalista sira iha ne’e mos ho jornalista sira iha Australia”, nia esplika.
Nia husu ajuda ba ABC-International atu bele ajuda Conselho de Imprensa no mos Autoridade local sira iha Balibo ne’e ho parseiru sira iha Balibo atu lori Balibo sai vila Liberdade no koñesidu iha Mundu. (CI)