.jpeg)
Delegasaun Conselho de Imprensa Timor-Leste (CI) kompostu husi Presidente CI, Otélio Ote, Membru CI, Konselleiru Benevides Correia Barros no Konselleiru Francsico B.S.da Costa inklui Diretor Ezekutivu, Rigoberto Monteiro no Teknika Administrasaun Finansas, Liliosa da Cruz Amaral, halao enkontru ho Diretor Ezekutivu Lembaga Pers Dr. Soetomo (LPDS).
Hafoin remata enkontru responsavel maximu hosi Instituisaun rua kontinua kedas asina akordu kooperasaun, iha Gedung Dewan Pers Indonesia, Jakarta, iha segunda-feira Jakarta, 20 Marsu 2023.
Akordu ne’e ho objetivu LPDS bele fasilita formasaun ba Funsionariu CI kona-ba Media Monitoring no Matadalan ba Ezame Kompetensia ba Jornalista sira ne’ebe hanesan parte ida husi implementasaun Nota Entendimentu ne’ebé Conselho de Imprensa ho Dewan Pers Indonesia asina iha fulan Jullu tinan 2022.
Akordu servisu hamutuk ne’e asina husi Presidente CI, Otélio Ote no Diretor Ezekutivu LPDS, Ahmad Djauhar, ho durasaun durante fulan ne’en, konta hosi loron 20 fulan Marsu 2023 to’o loron 20 fulan Setembru tinan 2023.