.jpeg)
Jakarta, 20 marsu 2023; Presidente Conselho de Imprensa, Otélio Ote ho nia delegasaun halo enkontru kortejia ho Dewan Pers Indonesia hodi kontinua haforsa kooperasaun entre entidade rua ne’e, iha Gedung Dewan Pers Indonesia, Jakarta- Indonesia.
Liuhusi enkontru ne’e mos delegasaun Conselho de Imprensa aprezenta objetivu vizita Conselho de Imprensa nian mai Jakarta, atu asina akordu kooperasaun ho Lembaga Pers Dr. Soetomo (LPDS) atu fornese formasaun ba funsionariu Conselho de Imprensa nian iha area Media monitoring no matadalan ezame de kompetensia nian.
Iha enkontru ne’e parte rua mos fahe informasaun ba malu relasaun ho dezenvolvimentu media iha pais ididak nian.
Conselho de Imprensa ho Dewan Pers Indonesia asina tiha ona Nota Entendimentu iha fulan jullu tinan 2022 iha area reforsa institusional no promove profisionalizmu jornalizmu no media.
Delegasaun Conselho de Imprensa nian kompostu husi husi Presidente CI, Otélio Ote, Membru CI, Konselleiru Benevides Correia Barros no Konselleiru Francsico B.S.da Costa inklui Diretor Ezekutivu, Rigoberto Monteiro.