Nusa Dua Bali – Conselho de Imprensa de Timor-Leste (CI), partesipa iha enkontru anuál Bali Democracy Forum (BDF) 2022 ba dala 15 ho tema “Democracy in a Changing World: Leadership and Solidarity”.
Atividade ne’e organiza husi Ministériu Negosiu Estranjeiru Indonesia, iha loron 8 Dezembru 2022, iha Bali Nusa Dua Convention Centre. Sekuénsia ba forum ne’e maka, breves palavras husi Ministra negosiu estranjeiru Indonesia, sesaun primeiru, Fair and Equitable for Global Public Goods: Democratic Respons, sesaun segundu, Democracy at the Crossroad: Shaping Governance in the New Global Landscape.
Bali Democracy Forum hanesan enkontru anuál ida ne’ebé hala’o iha Bali no partisipa husi reprezentante nasaun sira iha rejiaun Asia Pasifiku. Forum ne’e estabele iha tinan 2008 ho objetivu atu bele alkansa demokrasia, direirus umanus, igualdade no mútua respeitu.
Alein de ne’e, ekipa Conselho de Imprensa de Timor-Leste partesipa mós iha enkontru Bali Civil Society and Media Forum 2022 ho tema “Democracy in a Changing World: Leadership and Solidarity,” iha Bali, loron 6-7 Dezembru 2022, iha okaziaun Bali Democracy Forum.
Enkontru Bali Civil Society and media Forum hanesan plataforma ida ba sosiedade sivil no mídia hodi hala’o diskusaun no fahe ba malu vizaun sira kona-ba dezafiu ne’ebé hasoru iha Demokrasia nia laran.
Bali Civil Society and Media Forum 2022, organiza husi Ministériu Negosiu Estranjeiru Indonsia, Dewan Pers Indonsesia no seluk-seluk tan. Durante loron rua, partesipantes sira diskuti hamutuk sesaun haat importante maka hanesan, primeiru, How Democracy Responses The Demands and Ensuring Equitable Public Goods, segundu, Leadership and Solidarity During the Crises: Reflection From the World.
Terseiru, Media and Civil Society Roles in the Time of Crises: Reflection of 15 Years of the Bali Democracy Forum no ikus liu maka Way Forward for Democracy and the Bali Democracy Forum: Building Back Better.
Ekipa Conselho de Imprensa kompostu husi, Prezidente CI, Virgílio da Silva Guterres, Fiskál Úniku, João Paulo, Diretór Ezekutivu, Rigoberto Monteiro, Ofisiál Administrasaun no Finansas, Lilioza Amarar no Ofisiál relasaun Públika, Efrem Duarte Guterres. (CI)