Díli, 15/11/2022 – Conselho de Imprensa de Timor-Leste serbisu hamutuk ho United Nations Educational, Scientific and Cultural Organizastion (UNESCO) realiza Treinamentu ba Treinadór ho tema “Treinamentu Avansadu ba Treinadór verifika dadus, kombate dis-informasaun no notisia falsu”.
Treinamentu ne’e, hala’o durante loron haat (4), hahu husi loron 15-18 Novemrbu 2022, iha salaun restaurante Golden Star, Audia, Díli ho total Partisipantes hamutuk ema na’in 30 husi Asosiasaun Jornalista, Sentru Formasaun Jornalízmu, Jornalista Sira, Estudante UNTL no UNDIL, ISFIT no UNITAL, Grupu Foinsa’e Halo Mudansa, Alumni Parlamentu Foinsa’e nomós funsionário Conselho de Imprensa.
Konselleiru Expedito Loro Dias Ximenes dehan treinamentu ne’e bele kapasita maluk jornalista sira nia koñesimentu téknika iha kombate des-informasaun no notisia falsu iha Timor-Leste.
“Conselho Imprensa hein katak kolega sira depois simu informasaun ka matéria durante loron hat liuliu kona ba cek fakta treinamentu ida ne’e bele aumenta tan kapasidade tékniku atu hadi’a di’ak liután ita nia produtu jornalistiku ba oin,”dehan Konselleiru Expedito Loro Dias Ximenes.
Reprezentante UNESCO, Yekthi Hesthi Murthi hatete treinamentu ne’e fó biban ba maluk jornalista sira atu oinsá maka bele hala’o uluk verika faktus nune’e bele hamosu notisia ida balansu iha momentu sira eleisaun nian.
Yekthi Hesthi mós fó parabens ba partesipantes sira ne’ebé sai ona nu’udar treinadór. Nia espera ba oin bele tranfere hikas matenek ne’ebé iha ba partesipantes seluk iha treinamentu sira tuir mai.
Diretór Ezekutivu, Rigoberto Monteiro dehan “Conselho de Imprensa hanoin ita hahú grupu ida ne’e. Ha’u espera katak ita boot sira bele apoiu Conselho de Imprensa iha prosesu dezenvolve ida ne’e. Tanba atu harii aliansi cek fakta iha Timor-Leste ne’e tidak gampang tanba ema barak maibé ita nia kapasidade, ita nia skill, at liután ita nia fasilidade hirak ne’e sei menus entaun ita presiza apoiu malu iha prosesu ida ne’e”. (CI)