Atauro – Conselho de Imprensa de Timor-Leste (CI), Sosializa kna’ar Conselho de Imprensa, Direitu Hatan no Retifikasaun iha Munisípiu Atauro, iha loron Sesta-Feira, 18 Novembru 2022, iha Sede Suku Vila Maumeta.
Prezidente Conselho de Imprensa, Virgílio da Silva Guterres no Administradór Munisípiu Atauro, Domingos Soares maka hala’o abertura ba atividade sosializasaun ne’e.
Prezidente Conselho de Imprensa, Virgílio da Silva Guterres hatete Conselho de Imprensa hala’o sosializasaun kna’ar CI no direitu hatan no retifikasaun ba autotidade sira iha Ataúro tanba illa ne’e sai ona hanesan Munisípiu.
“Conselho de Imprensa mai iha ne’e tanba Ataúro sai ona munisípiu. Ami mai to’o iha ne’e atu sosializa mós kna’ar no papel sira Conselho de Imprensa nian hanesan ami sosiliza on aba Munisípiu sira seluk,” haktuir Prezidente Conselho de Imprensa iha intervensaun abertura nian.
Prezidente CI hato’o agradese wa’in ba Autoridade Ataúro nian, Responsável no diretores husi instituisaun relevante, Amu Pároku Parokia Ataúro Xefe Suku sira no partisipantes sira hotu nia disponibilidade hodi hola parte iha sosializasaun refere.
Administradór Munisípiu Ataúro, Domingos Soares mós hato’o agradese wa’in ba Prezidente Conselho de Imprensa no delegasaun CI nian ne’ebé bele hakat to’o ona iha Munisípiu Ataúro hodi sosializa Kna’ar CI nian, Direitu Hatan no Retifikasaun ba autoridade sira iha munisípiu Ataúro.
Partisipa iha atividade sosializasaun ne’e maka, Prezidente Conselho de Imprensa, Administradór Munisípiu Atauro, Amu Pároku Atauro, Diretores Institusaun Estadu Munisipál, PNTL Atauro, ONG, Xefe Suku no Reprezentante Veteranus Atauro ho total partesipantes hamutuk na’in 38. (CI)