Ataúro – Prezidente Conselho de Imprensa de Timor-Leste (CI), Virgílio da Silva Guterres partisipa serimònia abertura Festival Nasionál Múzika no Kultura iha Munisípiu Ataúro, Suku Maumeta, Segunda-feira, 21 Novembru 2022.
Festival Nasionál Múzika no Kultura hanesan programa anual husi Gabinete Prezidente da Repúblika, hetan apoiu husi Gabinete Primeiru Minístru no asisténsia téknika husi Sekretária Estadu Arte no Kultura, liñas ministeriais no parseiru sira. Atividade ne’e hala’o durante loron haat, hahú husi loron 21-24 Novembru 2022.
Festival Nasionál Múzika no Kultura realiza ho ovjetivu lima importante, esplora identidade kultura turizmu Timor nian, promove no proteze kultura nu’udar identidade úniku Timor-Leste nian ne’ebé bele atrai turista rai laran no rai liur, hasa’e kreatividade joven Timoroan nian área kultura, halo sosializasaun identidade kultural ba jeraun foun no promove pas, estabilidade no unidade nasional hodi prozeta imajen furak Timor-Leste nian iha mundu.
Partisipa atividade ne’e, Prezidente da Repúblika, Primeiru Ministru, Prezidente Tribunal Rekursu, Deputadu, Membru Governu, Embaixadores sira, entidade estadu nian, komunidade husi munisípiu 13 inklui RAEOA. (CI)