Balibo – Conselho de Imprensa de Timor-Leste (CI), atribui prémiu jornalístiku tinan 2022, ba manan na’in sira iha ámbitu lansamentu dahuluk Loron Nasional Liberdade Imprensa, 16 Outubru 2022, iha Postu Administrativu Balibo, Munisípiu Bobonaro.
Manán na’in ba prémiu jornalítiku tinan 2022 maka hanesan, Vanessa Auxiliadora da Cunha Reis Alves, Jornalista Grupo Média Nacional, vensedora prémiu kategoria Greg Shackleton, Jonio da Costa, Jornalista Jornal Diáriu Independente, nu’udar vensedór ba prémiu kategoria Bernardino Guterres.
Iha biban ne’e, Centro Nacional Chega. I.P atribui mós prémiu jornalízmu pas Maria Goreti Joaquim, ho ketegoria mídia imprensa, online no televizaun. Manán na’in ba prémiu jornalízmu pas Maria Goreti kategoria mídia imprensa atribui ba Jornál Independente.
Manán na’in ba prémiu jornalízmu pas Maria Goreti kategoria mídia online atribui ba mídia Lafaek news, no manán na’in ba prémiu jornalízmu pas Maria Goreti kategoria televizaun atribui ba GMN-TV.
Partisipa iha serimónia atribuisaun prémiu jornalístiku 2022, Ministru Prezidensia Konsellu Ministru, Vise Ministru Administrasaun Estatal, Prezidente Conselho de Imprensa ho membru sira, Prezidente Autoridade Munisípiu Bobonaro, Conselho Administrasaun CNC ho estrutura, Komandante PNTL Munisípiu Bobonaro, Administradór postu Balibo, Veteranus, estudante no Autpridade Lokal no komunidade Balibo. (CI)