Díli, 25/08/2022 – Conselho de Imprensa de Timor-Leste (CI) serbisu hamutuk ho UNESCO hodi realiza Dili Dialogue Forum Tinan 2022 ho Tema “Media Challenges in TImor-Leste and Southeast Asia”.
Prezidente da Repúblika, Dr. Dr. Ramos Horta maka ofisialmente abertura konferénsia Dili Dialogue Forum, ne’ebé hala’o durante loron rua, hahú husi loron 25-26 Agostu 2022, iha salaun Lalini, Larigutu, CNE, Colmera, Dili.
Dili Dialogue Forum iha loron dahuluk, parte dader nian maka fahe esperiénsia ba malu entre Conselho de Imprensa sira iha reziaun suduéste Aziátiku hanesan National Press Council of Thailand, Dewan Pers Indonesia, Myanmar Press Council, Cebu Citizens Press Council no Conselho de Imprensa de Timor-Leste.
Iha parte lorokraik, maka sesaun diskusaun interativu iha ne’ebé, Country Correspondent for Timor-Leste, Papua New Guinea and Solomon Islands for Reporters Sans Frontiers, Bob Howart no international federation of journalists, Jim Nolan, ko’alia kona-ba “Media Challenges in the Pacific”. Entretantu Communication Specialist Office of Jakarta (UNESCO), Ana Lomtadze no Meta Facebook, Dara Nasution ko’alia liu ba asuntu “Media in Digital Siege”.
Iha loron segundu, Dili Dialogue Forum, diskusaun foku liu ba prespetiva sira nasional nian hanesan papel mídia iha prevene aktus korupsaun ho nia dezafiu sira, papel mídia iha kobertura isu no dezafiu partisipasaun feto no dezenvolvimentu mídia iha Timor-Leste.
Aleinde ne’e, iha loron ikus Conselho de Imprensa lansa mós nia relatóriu anuál tinan 2021 nian ba públiku.
Tinan ne’e, Programa Dili Dialogue Forum, hetan partisipasau husi Bainaka internasionál sira maka hanesan Prezidente Southeast Asia Press Council-Network (SEAPC-Net), Prof. Dr. Azyumardi Azra, Communication Specialist Office of Jakarta (UNESCO), Ana Lomtadze, Myanmar Press Council, Aye Chan, National Press Council of Thailand, Chavarong Limpattamapanee, Cebu Citizens Press Council, Karlon Rama, International federation of journalists, Jim Nolan, Country Correspondent for Timor-Leste, Papua New Guinea and Solomon Islands for Reporters Sans Frontiers, Bob Howart, Meta Facebook, Dara Nasution.
No bainaka sira nasional maka hanesan Prezidente da Repúblika, Prezidente Conselho de Imprensa ho Membru na’in 4, Sekretáriu Estadu Komunikasaun Sosiál, Sekretáriu Estadu Igualdade Inkluzaun, Embaixadores, Mídia na’in, Diretores no Xefe Redasaun sira, Jornalista, Sosiedade Sivil, Parseiru sira, estudante UNTL, UNITAL no UNDIL.
Dili Dialogue Forum ne’e akontese mai husi rezultadu Konferénsia Internasionál ho tema “Promoting Press Freedom and Freedom of Expression in Southeast Asia and Pacific” ho nia sub-tema maka “The Role of Press Council Towards a democratic Society”, ne’ebé hala’o iha loron 10 Maiu tinan 2017. (CI)