Díli, 24/08/2022 – Conselho de Imprensa de Timor-Leste (CI), hala’o enkontru ho membru Southeast Asia Press Council Network (SEAPC-Net) hanesan Myanmar Press Council (MPC), Aye Chan no National Press Council of Thailand (NPCT) Chavarong Limpatttamapanee inklui Asia and The Pacific IFJ, Jim Nolan.
Iha enkontru ne’e, akompaña mós husi bainaka internasionál seluk maka hanesan Cebu Citizens Press Council (CCPC), Karlon Rama no International Federation of Journalists (IFJ), Jim Nolan.
Iha enkontru ne’ebé hala’o iha salaun enkontru Conselho de Imprensa, Quintal Boot, Dili, Conselho de Imprensa hato’o introdusaun kona-ba sekuensia atividade Dili Dialogue Forum ne’ebé sei realiza iha loron kinta-sesta feira, (25-26/08/2022), iha Salaun Lalini Lariguto, CNE, Colmera, Dili.
Dili Dialogue Forum 2022, ho tema “Media Challenges in Southeast Asia”, ofisialmente abertura husi Prezidente da Repúblika, Dr. Ramos Horta. Partisipa iha eventu anuál ne’e mai husi bainaka internasionál hanesan Myanmar Press Council (MPC), Aye Chan no National Press Council of Thailand (NPCT) Chavarong Limpatttamapanee, Cebu Citizens Press Council (CCPC), Karlon Rama, International Federation of Journalists (IFJ), Jim Nolan no Comumunication Specialist Officer of Jakarta (UNESCO), Ana Lamtadze.
Bainaka Nasional Sira maka hanesan, Prezidente da Repúblika, Prezidente Conselho de Imprensa ho membru na’in 4, Membru Oitavo Governu, Embaixadór sira, Mídia na’in, Diretores Mídia, Xefe Redasaun, Jornalista, Sosiedade Sivil, Parseiru sira no estudante husi UNTL, UNITAL no UNDIL. (CI)