Oecussi – Prezidente Conselho de Imprensa de Timor-Leste (CI), Virgílio da Silva Guterres nomós Diretór Ezekutivu, Rigoberto Monteiro, hala’o enkontru via Plataforma online Zoom Meeting ho órgaun reguladora membru SEAPC-Net hanesan Indonézia, Myanmar no Tailandia.
Enkontru ne’e, ko’alia kona-ba dezenvolvimentu organizasaun Southeast Asia Press Council Network (SEAPC-Net) ne’ebé oras ne’e dadaun lidera hela husi Dewan Pers Indonesia (DPI) iha ne’ebé, iha fulan dezembru tinan 2022, sei entrega ba Dewan Pers Myanmar ho durasaun tinan rua.
Alein de ne’e, Conselho de Imprensa Timor-Leste introdus mós ba membru SEAPC-Net kona-ba konferénsia internasional Dili Dialogue Forum ne’ebé organiza husi Conselho de Imprensa, tuir planu sei realiza iha fulan Agostu 2022, iha Dili.
Southeast Asia Press Council Network (SEAPC-Net) nia papél prinsipal maka oinsá bele promove Liberdade Imprensa no Liberdade Espresaun iha reziaun Sudeste Aziátiku, inklui halo advokasia no kapasitasaun ba mídia ho jornalista sira.
Primeira Asembleia Jerál SEAPC-Net hala’o iha Salaun Enkontru Hotel Santika, Nusa Dua, Bali, Indonézia, iha loron 4 Dezembru 2019. (CI)