Díli – Comissão Anti-Corrupção (CAC) hala’o sosializasaun kona-ba lei nú 7/2020 de 26 de Agosto kona-ba medidas prevensaun no kombate korupsaun, ba prezidente Conselho de Imprensa no membru na’in haat, inklui mós estrutura ezekutivu nomós pesoál aprovizionamentu, iha salaun enkontru CI, Quintal Boot, Díli, 16/05/2022.
Iha sosializasaun, CAC aprezenta materia kona-ba deklarasaun rendimentu, bens no interese ne’ebé sita iha lei lei nú 7/2020 de 26 de Agosto, seksaun III, husi artigu 29 to’o artigu 39.
Conselho de Imprensa hato’o agradese wa’in ba Comissão Anti-Corrupção tanba bele halo ona esklaresimentu ruma no fasilita dirijentes sira iha CI kona-ba oinsá maka bele priense formuláriu deklarasaun rendimentu, bens no interese.
Parte ne’ebé sei priense deklarasaun rendimentu ne’e kompostu husi Prezidente no Membru CI, Diretór Ezekutivu no kargu Diretores inklui pesoa aprovisionamentu. Tempu ba Conselho de Imprensa tenki hatama deklarasaun rendimentu ne’e ba CAC iha loron 11 fulan Junu 2022 ne’ebé sei hetan ka akompañamentu hosi tékniku CAC.
Partisipa iha sosializasaun ne’e, Prezidente Conselho de Imprensa, Membru na’in haat, Fiskal Úniku, Diretór Ezekutivu, Diretór Diresaun sira (DRAJ, DCSRIC, DADM, DRH, DAFAL), nomós funsionáriu aprovizionamentu.