Díli – Conselho de Imprensa de Timor-Leste (CI) serbisu hamutuk ho Ajénsia Internasionál Programa Nasoens Unidas ba Dezenvolvimentu (PNUD/UNDP) fasilita jornalista sira liuhusi programa “Media Bus-Tour” ba kobertura atividade eleisaun parlamentár.
Media Bus-Tour fasilita jornalista sira ba halo kobertura iha munisípiu neen maka hanesan, Manatuto, Baucau, Aileu, Ainaro, Likisa no Bobonaro. Joranlista sira husi mídia nasionál fahe ba grupu tolu, Grupu primeiru, halo kobertura iha Manatuto (Laleia) no Baucau (Venilale), grupu segundu, kobertura iha Aileu no Ainaro (Maubissi), Likisa (Loes) no Bobonaro (Balibo).
Diretór ezekutivu CI, Riberto Monteiro dehan “Ita nia objetivu ne’e atu kobre hotu iha área rurais. Maibé, ita ba de’it área ne’ebé ita bele to’o tanba eleisaun loron ida de’it ita labele halo kobertura hotukedas iha fatin hotu-hotu. Ita nia prezensa iha sosiedade nia leet, keta iha infrasoens ruma karik bele hato’o lamentasoens husi mídia atu nune’e públika”.
Atividade “Mídia Bus-Tour” nu’udar meiu ida ne’ebé CI no UNDP fornese ba jornalista sira hodi bele halo kobertura iha atividade eleisaun prezidensial ne’ebé realiza iha loron 19 Marsu 2022.
“PNUD no Conselho de Imprensa serbisu hamutuk ona iha tempu limitadu atu organiza Media Bus-Tour. Mezmu labele organiza tuir loloos nia tempu atu kobre kampanha to eleisaun iha loron 19 Marsu. Ami espera katak Media Bus ne’e bele utiliza husi períodu kampaña karik ita iha eleisaun segunda ronde,” esplika Vise Embaixadora Japaun ba Timor-Leste, Kazumi Yamada iha ámbitu lansamentu matadalan reportájen eleitorál, ne’ebé hala’o iha salaun enkontru Conselho de Imprensa, iha loron segunda-feira, 14/03/2022
Media Bus-Tour ne’e realiza tanba serbisu hamutuk entre Conselho de Imprensa de Timor-Leste ho ho Ajénsia Internasionál Programa Nasoens Unidas ba Dezenvolvimentu (PNUD/UNDP) liuhusi Projetu Core TL no hetan apoiu husi Governu Japaun.
Mídia sira ne’ebé partisipa iha atividade “Media Bus-Tour” maka hanesan RTTL, EP, Ajensia Tatoli, STL, Hatutan.com, Jornal Independente, Dili Post, GMN, Radiu Liberdade, Lafaek News, Neon Metin, Loluwari.com, Rakambia, Timor Post, Naunil Mídia, Radio Voz, Oekusi Post, Bussines Timor, Gardamor.
Jornalista numeadu husi mídia sira ba kobertura iha atividade eleisaun prezidensial maka hanesan Mirandolina Darnivia Barros Soares, Herminio Cardoso, Marcelino Bata, Acacio Pinto, Andre Gusmão, Natalino Ximenes, Elio Dos Santos da Costa, Anita da Silva, Domingos Gomes, Jose Mauno, Santina Lucia da Silva, Arménio dos Santos, Julio de Jesus, Amito Araujo, Mariquita da Silva, Abrão Amaral, Jaime de Jesus Santos, Maria Tavares, Ana Maria Ribeiro, Paulino Cono Fallo no Virgilio Fátima Viana. (CI)