.jpeg)
.jpeg)
Dili, Conselho de Imprensa de Timor-Leste (CI) halao enkontru ho portavos hosi kada kandidatu Prezidente Republika ba periúdu 2022-2027, hodi introdus direitu antena, direito ba hatan no retifikasaun ba portavos kandidatu Prezidente Republika.
“CI nia responsabilidade mak oinsa sosiliza ba orgaun no meius komunikasaun sosiál sira, jornalista sira tantu plataforma online no konvensionál atu iha sensebilidade kobertura, signifika katak kobertura tenki iha balansu entre parte ida ho parte seluk labele iha tendensaun atu halis ba kandidatu balun,” esplika Representante Intreinu Prezidente CI, Konselleiru Benevides Coreia Barros, iha abertura sorumutu ne’ebé hala’o iha salaun enkontru CI, tersa-feira (01/03/2022).
Konselleiru CI ne’e esplika katak, CI mós kria ona matadalan reportajen kobertura ba eleisaun atu jornalístika sira respeita nafatin kodígu étika jornalístika wainhira hala’o kobertura iha kampañia eleisaun Prezidensiál, ne’ebé hahu iha loron 02 ate 16 Marsu tinan 2022 no eleisaun Presidensiál ne’ebé sei realiza iha 19/03/2022.
Direitór Diresaun Rejistu no Apoiu Juridíku (DRAJ) CI, Zenilton Zeneves, esplika kona-ba saida mak direitu de Antena ne’ebé kada kandidatu iha direitu ba espasu iha Radio no televizaun publiku (Mídia Statál) atu fo sai sira ninia programa ba publiku hodi hetan konfiansa.
“Komesa aban (02/03/2022) direitu ida ne’e iha atu kandidatu hirak ne’e atu ezerse iha Televizaun iha Radio, mais iha kontexte ida ne’e fokus liu ba TV atu publiku konese kandidatu ida atu tempu ba vota ne’e nia bele hatene kandidatu ne’e nia programa no oin nia hatene ona hodi la vota sala,” esplika Zenilton Zeneves.
Iha oportunidade ne’e tekniku Juridíku DRAJ, Octavia Pereira, esplika kona-ba direitu hatan no retifikasaun, “ direito de resposta hanesan instrumentu defesa ema nian, kontra kualker opiniaun ou impurtasaun ho karáter pesoál ofensiva,” esplika Octavia Pereira.
Iha sensaun perguntas no reposta representante portavos hosi kandidatu Prezidente Republika sira hato’o duvidas kona-ba kolokasaun, perdiem inklui nesesidade lojistik ba jornalístika sira durante kampañia, durasaun tempu kampañia ba kada kandidatu iha Televizaun inklui publikasaun ka komentariu publiku iha mídia sosiál nomos oinsa sansaun ba jornalístika ka mídia ne’ebé halo infrasaun (halo sala).
Tuir lei komunikasaun sosiál No. 5 /2014, 19 de Novembru, aline g hateten, kada sidadaun ou grupu iha direitu ba hatan no retifikasaun atu mídia ne’ebé publika notisia sala tenki hadia ho tempu loron 30, konta hosi data publikasaun. Enkuantu ba orgaun no meiu ne’ebé kontra sei hetan koima ho motante dolares amerikanu $ 2.500 to’o $ 10.000, tuir artigu 34.o/8, lei Komunikasaun Sosiál. (CI)