Aileu – Conselho de Imprensa de Timor-Leste (CI), enkoraja komunidade Suku Seloi Krai, atu utilija Direitu Resposta no Retifikasaun hodi hato’o ba órgaun no meiu komunikasaun sosiál sira kona-ba notisia ruma ne’ebé laloos.
Prezidente Conselho de Imprensa, Virgílio da Silva Guterres hato’o kestaun ne’e ba komunidade sira iha atividade Governu iha povu nia le’et “Naroman ba Suku” no inagurasaun sentru informasaun suku Seloi Kraik, Postu Administrativu Aileu Vila, Munisípiu Aileu.
“Ha’u enkoraja komunidade tomak seloi kraik, alin joventude no estudante sira, na’i Xefe Suku, atu utiliza direitu resposta no retifikasaun hodi haruka ba mídia sira, kona-ba notisia ruma ne’ebé laloos no falsu,” dehan prezidente CI, Virgílio.
Prezidente CI mós enkoraja estudante no joven sira iha suku Seloi Kraik atu utilija mídia sosiál ho di’ak no loloos, labele fahe ka hatutan fali informasaun falsu ka HOAX ne’ebé la lori benefisia ba povu.
Prezidente CI haktuir, Conselho de Imprensa hala’o ona sosializasaun ba lei komunikasaun sosiál kona-ba direitu resposta no retifikasaun ba munisipiu ualu (8) maka hanesan Baucau, Viqueque, Aileu, Manufahi, Ainaro, Ermera, Liquiça no Bobonaro. Tuir planu, iha tinan ida ne’e (2021) nia rohan, iha fulan Dezembru, Conselho de Imprensa sei termina sosializasaun iha munisípiu Suai. (CI)