Dili, 23/12/2021 – Programa Dezenvolvimentu Nasoens Unidas (PNUD), suporta husi Governu Japaun, no Konselhu Imprensa Timor-Leste nia esforsu hamutuk atu hasae kapasidadde jornalista sira-nian kona ba reportajen polítika no eleisaun iha siklu eleitorá nian atu garante foti desizaun-informadu no Seguru-COVID.
Karta akordu ne’e asina husi entidade rua iha loron 23 Fulan Dezembru iha Edifisiu Konselhu Imprensa Timor-Leste, ho partisipasaun reprezentante husi PNUD, Konselhu Imprensa Timor- Leste, no Embaixada Japaun. Liu husi parseria ida ne’e, Konselhu Imprensa Timor-Leste sei dezenvolve matadalan nasional ba jornalista sira atu halo reportajem iha eleisaun, inklui disseminasaun no sosializasaun ho media, no implementasaun kampaña hasa’e-konsiensia kona ba matadalan iha nivel nasional no munisipal.
“Asesu ba informasaun ne’e elementu importante ba eleisaun susesu no Seguru -COVID. Votante sira iha direitu atu hatene laos deit kona ba Sistema eleitoral, prosedimentu sira, no partidu politiku no kandidatu sira, maibe mos oinsa atu garante Seguru-COVID wainhira partisipa iha eleisaun. Kona ba asuntu ida ne’e, Media hala’o papel importante hodi permite asesu ba informasaun no foti desizaun informadu, no seguransa publika,” explika Sra. Munkhtuya Altangerel, Reprezentante Rezidente PNUD Timor-Leste.
Iha sorin seluk, Sr. Benevides Correia Barros, Konselheru Koselhu Imprensa Timor-Leste, hateten katak “hare katak kobertura ne’ebe tendesiozu kona-ba kestaun politika bele impede debate eleisaun, no pior liu, Provoka divizaun politika no violensia, ida ne’e importante katak autor media sira hetan formasaun iha prinsipiu husi reportajem responsavel no politika inkluziva, hodi nune’e lian husi autor polítiku no partidu polítiku sira bele rona husi públiku Timor-Leste liu husi média ho maneira ida ekilibradu no informativu."
Ikus liu, señora Kazumi Yamada, Xefi Adjuntu Misaun ba Timor – Leste: “Hau haksolok atu fo hatene katak komponenti ida husi projeitu Eleisaun Rezilienti ba COVID ka CORE-TL, ne’ebe mak finansia husi Governu Japaun no Implementa husi UNDP, mak atu sidadaun ne’ebe informadu kona ba eleisaun. Liu husi karta Akordu ne’e, hau espera katak jornalista sira sei dezenvolve sira nia matadalan rasik ne’ebe mak sei aplika ba media oi-oin. Hau espera katak formasaun Cek-ba faktu ne’e no abilidade importante seluk, husi akordu ne’e, sei lori votante Timor - Leste sira atu halo desizaun informadu, ne’ebe mak diak liu.”
Aktividade sira ne’e parte husi projetu Reziliente-COVID (CORE-TL), ne’ebe buka atu suporta Timor-Leste atu hala’o Eleisaun Reziliente-COVID, informadu, no inkluzivu, kontribui ba reziliente Sistema governansia acessivel, responsavel no sensivel ba jeneru, instituisaun no serbixu sira iha nivel nasional no munisipiu sira.
Konselhu Imprensa no PNUD halo koperasaun ona dezde 2017 atu haforsa kompetensia jornalista rai laran,
Ba Informasaun Detalhu, Favor bele kontaktu Konselhu Imprensa no PNUD nia ofisial responsavel sira:
-
Angelina Gusmao – Ofisial Gabinete, Conselho de Imprensa: 77489702 / 73173449
-
Mariano Redondo – Espesialista Komunikasaun, UNDP Projetu CORE-TL: 77566742
Download iha PDF