Relasiona ho Primeiru Aniversáriu Conselho de Imprensa de Timor-Leste (CI), maka Prezidente CI, Virgílio da Silva Guterres hala’o sorumutu ho Prezidente da Repúblika (PR), Taur Matan Ruak atu hola parte komemorasaun Dies Natalis CI.
Selebrasaun primeiru aniversáriu CI sei hahú ho Konferénsia internasionál ida ho tema “Promove Liberdade Imprensa No Liberdade Espresaun Iha Sudueste Aziatiku No Pasifiku, “ Papel Conselho de Imprensa Ba Sosiedadi Demokratiku Ida”.
Prezidente CI konvida direita Prezidenti da Repúblika atu bele hola parte iha Konferénsia Internasionál ne’e, hodi ensera konferénsia internasionál refere.
Iha enkontru ne’ebé hala’o iha loron 25/4/2017, iha Palásiu Prezidente, Aitarak-Laran ne’e, Prezidenti da Repúblika fó nia intervensaun katak Presidenti da Repúblika sei hare tempu no tenta atu partisipa iha Konferénsia Internasionál refere maibé
Prezidenti da Repúblika la promote.
Prezidenti da Repúblika mós hato’o nia sentimentu kontenti ba servisu CI nian. PR rekoñese servisu mídia nian katak mídia tendénsia ba bele fó apoiu, bele kontra no buka objetivu rasik, papél mídia importante ba kombate korupsaun no eduka
sidadaun, nune’e Prezidenti da Repúblika haktuir katak Mídia tenki pro ativu partisipa iha prosesu rekonstrusaun sosiál.
Prezidenti da Repúblika mós iha esperansa mídia iha kreatividade atu promove istória individuál hanesan istória hosi família, katuas, ferik sira ne’ebé lakon oan iha tempu rejisténsia. (###)