Membru Conselho de Imprensa de Timor-Leste (2016 - 2020)

Virgilio “Lamukan” da Silva Guterres, Prezidente Conselho de Imprensa Timor-Leste, nomeasaun hosi Parlamentu Nasionál ba periudu 2016-2020 nu’udar peritu komunikasaun sosial. 

Molok eleitu ba presidente Conselho de Imprensa, Virgilio, hala’o atividade Jornalismu hahu hosi tinan 1998, hanesan Co-Fundador ba Revista Talitakum no sai hakerek na’in ba kolom Hori Otas Hori wa’in iha lian tétum. Tuir mai sai mos hanesan Xefe Redasaun ba Jornal Vox Populi, jornal CNTR ba kampanhe Konsulta Popular iha fulan Agostu tinan 1999 no iha tempu hanesan, Virgilio hala’o mos kna’ar hanesan agensia noticiosa Cladestina ba “[email protected] News. Tuir mai iha tinan 2000 to’o tinan 2001 funda no Xefe Redasaun  ba Revista Lalenok, Revista semanal ne’ebe harii hosi eis estudante indonesia no publika iha lian tetum.

Durante hala’o nia atividade Jornalizmu, Virgilio mos hakle’an ninia kuinhesimentu iha área jurnalistiku no tuir formasaun jornalismu nian iha nasaun balu hanesan estajiu iha Jakarta Post, Indonesia iha tinan 1998, estajiu iha Radio Triple J (ABC Australia), Darwin, partisipa iha Post Conflict Journalism Workshop, ne’ebe hala’o hosi Reuters Foundation iha University of Queensland, Australia tinan 2000 no partisipa iha Jornalism Course on Advanced Reporting, ne’ebe hala’o hosi Tomson Foundation, iha Cardiff University, Wales, Reinu Unido tinan 2001. 

Ho nia involvementu iha atividade jurnalizmu no ho kuinhesimentu ne’ebe iha, tuir mai Virgilio hamutuk ho nia kolega Jornalista sira seluk funda Assosiasaun Jornalista Timor-Leste (AJTL) no eleitu hanesan Presidente primeiru AJTL ba periudu 2001 to’o 2011. Ho kapasidade ida ne’e VIrgilio mos hetan fiar hodi lidera Konselhu Administrasaun Servisus Publiku Radio Televizaun Timor-Leste (SP RTTL) iha tinan 2003 to’o 2005. Iha durasaun tempu hanesan, Virgilio mos hetan fiar hodi kaer kargu hanesan Diretor Jeral ba Radio Televizaun Timor-Leste (RTTL) hahu hosi tinan 2004 to’o 2006. Ho kapasidade peritu iha área komunikasaun sosial ida ne’e Virgilio mos hetan fiar hodi representa AJTL iha South East Asia Press Alliance (SEAPA) hanesan Sekretariu ba Periudu 2014 to’o 2016 no re-eleitu ba pozisaun hanesan ba Periudu 2016 to’o tinan 2020.

Virgilio ne’ebe ho naran kuinhesidu “Lamukan” iha tempu resistência no luta ba libertasaun Independensia Timor-Leste partisipa maksimu iha manifestasaun hotu ne’ebe organiza hosi organizasaun Resistensia Nasional dos Estudantes de Timor-Leste (RENETIL), organizasaun ida ne’ebe harii hosi estudante Timor oan sira ne’ebe mak eskola iha Rai Indonesia hodi luta Kontra Okupasaun Indonesia iha Timor-Leste. Virgilio, “sarani” nudar membro ba RENETIL iha tinan 1990, no hetan kargu hanesan Sekretariu RENETIL iha tinan 1995. Iha tinan 1991 Virgilio hetan pena kadeia tinan tolu no kastigu iha kadeia Cipinang, hosi tinan 1991 to’o tinan 1994, depois partisipa iha manifestasaun ne’ebe organiza hosi RENETIL iha loron 19 Novembru 1991 hodi protesta no fo solidariedade ba Juventude sira ne’ebe mate iha Masakre Santa Cruz loron 12 fulan Novembru tinan 1991. Ho estatus hanesan eis prizoneiru politiku ikus mai Virgilio, hamutuk ho eis prisioneiru politiku seluk harii Assosiasaun Eis Prizoneiru Politiku (ASSEPPOL) no nafatin ativu hanesan membro to’o ohin loron. 

Virgilio, eis estudante Enjineria Mekanika, Institut Sains da Teknologi (ISTN) Jakarta, Indonesia moris iha Lia-Oli, Venilale loron 8 fulan Dezembru tinan 1966, kaben ho Merina Ursula Xareal e Guterres no oan sira mak; Larasesso Antonio Gilmer Xareal Guterres, Kailale Norberto Freire Xareal Guterres no Kayla Maria Ivone Xareal Guterres. 

Alein hala’o nia kna’ar lorloron hanesan Diretor Ezekutivu Fundasaun Haburas, Virgilio mos dala barak nafatin representa Conselho de Imprensa hodi koalia iha seminário nasional ka internacional kona-ba asuntu komunikasaun sosial no nafatin luta hodi promove liberdade imprensa no ekspresaun iha Timor-Leste.

Membru Conselho de Imprensa ne’e, José Maria Ximenes,  Reprezenta orgaun komunikasaun sosiál sira ka na’in ba mídia sira.

Uluk liu, kuandu sei eskola, Cíclo Preparatório (ensino pre-secundário) nia sai voluntariu ba radio komunidade, Radio LARASATI Baucau iha 1976 to 1978. Maibe hetan ispirasaun atu sai jornalista ho jornal de Parede “FAROL” iha Externato de São José, Balide-Dili, tinan 1984. Jornal parede “FAROL” ne’e produz husi estudantes  Externato, ne’ebe la simu kultura estranjeiru, ho misaun no vizaun mak dezenvolve kultura no identidade Timor nia rasik.  

Kareira jornalismu hahu iha jornál Suara Timor Timur (STT) iha 1993. Husi neba komesa ho magan ka estajiu no sai jornalista permanente. To’o iha 1999, nia nudar editor no jestor produsaun jornal STT. 

Iha 1999, depois de referendo, infra-estrutura Timor-Leste rahun, inklui sede STT  sunu husi grupu integrasionista ka pro-autonomia, José buka nia maluk sira husi eis-STT harii jornal Timor Post iha 2000. Iha Timor Post, José fofoun nudar jornalista nebe kaer kargu mos Redator Pelaksana (Redpel) ka Editor Executivu. Husi neba sae nia kareira nudar Xefi Redasaun no ikus mai nia knaar nudar diretór Timor Post.

Iha pozisaun lubuk ida ne’ebe nia halao nia haknar ba mak hanesan Coordenador analize media iha ICFJ (The International  Center for  Journalists) Dili, membru ToT (training of traner) iha ICFJ, membru Concelho Administração da RTTL.ep, no Diretor Exekutivo GRTV (Gardamor Radio & Television).  

Era rezistensia, nia involve iha aktividade oin-oin hahu husi harií OJETIL   iha 1983,  iha organizasaun  RENETIL hodi harii jornal VOX POPULI iha 1999, nudar Redpel (Redator Pelaksana), no ikus liu involve iha Dewan Solidaritas Mahasiswa, Pelajar dan Pemuda Timor Timur. Nia vida juventude tomak nia dedika  hodi sai testemunha viva  ba autodeterminasaun, tantu diretu ka indiretu ba aktividades oin-oin. Ikus mai, wainhira atingi ona 40 anos de idade, iha 1998, nia hili nia parseiru moris uma kain, Joana Fabiola Laranjinha nudar nia rainha, no husi kazamentu ne’e moris oan ida naran Gracieta Cizeliana Laranjinha Ximenes.
Aléin de um dos fundadores de Vox Populi no Timor Post, José mos sai inisiador no fundador AJTL (Associação Jornalistas Timor Lorosae), Sindicato dos Jornalistas de Timor-Leste (SJTL), no mos na’in ba jornal semanal Business Timor, nudar fundador.

Nia hetan fiar husi orgaun komunikasaun sosial sira liu husi konferensia nebe halao iha Hotel Timor, Novembro 2015 no ikus mai, iha dia 10 de Maiu 2016 hetan tomada de posse liu husi plenaria iha Uma-fukun, Parlamento Nacional.

Hugo Maria Fernandes, moris iha Dili, iha loron 21 Dezembru 1971, husi inan-aman, Luisa Cabral no matebian Inacio Fernandes. Hugo Fernandes, kaben ho Remigia Maria Jeronimo Viana no iha oan feto nain rua, Belicia Princesa Bernessa Viana Fernandes no Walvia Francuccia Louhare De Sa Viana Fernandes.

Iha dia 10 de Maiu 2016, Hugo Fernandes simu posse nudar membru Conselho de Imprensa Timor-Leste, nudar reprezentante husi Asosiasaun Jornalista Timor-Leste (AJTL). 

Dadaun ne’e mos Hugo Fernandes servisu nudar Director of Public Policy and Institutional Strengthening no mos nudar Team Leader for Support for Good Public Policy (SGPP) iha The Asia Foundation, Timor-Leste.  Aleinde de knaa’r sira ne’e, Hugo Fernandes mos servi nudar Sekretariadu Ezekutivu ba Policy Leaders Group (PLG) hahu husi tinan 2013-agora. Hugo Fernandes mos ativu hodi dezenvolve kapasidade organizasaun sosiedade sivil iha Timor-Leste liu husi Forum ONG Timor-Leste (FONGTIL). Iha tinan 2015 too agora, Hugo Fernandes mos hakna’ar nudar Koordenador Konsellu Direitiva Rede Nasional ba Auditoria Social (RENAS) FONGTIL nian. Husi fulan Maiu to’o Novembru 2016, nudar Asesor Spesial ba Grupu Traballu Primeiru Ministru nian  ba Instituisaun Tuir Mai Hafoin CAVR. 

Antes servisu iha The Asia Foundation, husi tinan 2002-2005, Hugo Fernandes servisu nudar Koordinador Divizaun Buka Lia Lo’os ba Comisao Acolhamento Verdade e Reconciliacao (CAVR) no mos nudar Co-Managing Editor ba Relatoriu Final CAVR nian, CHEGA. 

Husi Tinan 2005-2008, Hugo Fernandes, hakna’ar nudar, Kordenador Ekipa Tekniku/ Peskizador, Komisaun Verdade no Amizade (KVA) Timor-Leste ne’ebe estabelese hamutuk ho Indonesia no asumi kargu mos nudar Editor ba Relatoriu Final KVA nian, Per Memoriam Ad Spem.  

Iha tinan 2010 to’o 2012, Hugo Fernandes aliende servisu iha The Asia Foundation, nia mos halao kna’ar nudar Direitor Ezekutivu ba Global Organization of Parliamentarians Againts Corruption (GOPAC) Kapitulu Timor-Leste nian. 

Involvimentu iha jornalismu no media:  

  • 1988-1990: Membru Redasaun  ba tabloid MULUT husi SMA Negeri Tirtonirmolo, Bantul, Jogjakarta.
  • 1992-1995: Membru redasaun ba tabloid SILVA, Fakultas Kehutanan, UGM, Jogjakarta. 
  • 1992 – 1995; Membru redasaun ba media klandestina Kay Rala Lian no mos newsletter estudante Timor-Leste nian iha Indonesia, Forum IMPETTU ne’ebe publika iha Jogjakarta.  
  • Iha 1998 hamutuk ho estudante ativista rezistensia RENETIL nian harri Revista TALITAKUM, iha Ciloto, Bogor, no halo publikasaun aberta husi Jogjakarta, Indonesia konaba Timor-Leste nia ukun a’an
  • 1998 – 2004 : Nudar chefe editor Revista TALITAKUM. 
  • 1999 – 2002: Nudar Stringer no Korespondente ba Reuters, ABC - Radio no BBC- Radio.
  • Iha tinan 1999, Hugo Fernandes hamutuk ho jornalista timor-an sira sai fundador ba  nudar membru Fundador AJTL
  • Husi 2000-2013 kaer kna’ar nudar Kordenador Asuntu Kapasitasaun no Vice Presidenti AJTL
  • Husi tinan 2012- 2015 eleitu nudar Prezidenti Konsellu Etika AJTL nian. 
  • Iha tinan 2012 sai Membru Sertifikadu no kaer kartaun professional jornalista  nian husi International Federation of Journalism – IFJ. 
  • Iha tinan 2013 hamutuk ho jornalista sira husi nasaun membru ASEAN nian balun harii South East Asian Journalists Union (SEAJU) no haknar nudar Co-Chair ba SEAJU husi tinan 2013-2017. 

Hahu kedas husi 2002 too tinan ne’e Hugo Fernandes sai orador ba asuntu media no jornalismu nian iha rai-laran, Indonesia, Thailandia, Filipina, Kambodia, Australia, Alemanha no Bruselas.

Paulo Adriano da Cruz Araujo servisu nudar assessor juridiko iha firma advogadu Timor oan sira nian naran Da Silva Teixeira e Associados iha Dili, Timor-Leste, desde 2013. Antes ne’e, nia servisu iha area planeamento urbano nudar ofisial senior ba planeamento no mos planeamento cidade nian iha fatin oin-oin iha Melbourne, Australia. 

Paulo mos hetan posisaun ofisial ba desenvolvimentu rai privadu nian iha Divisaun Estrada nian iha tinan lima nia laran ba governu Northern Territory, Australia. 

Uluk iha Timor-Leste Paulo servisu hanessan ofisial programasaun nian ba Canadian International Development Agency (CIDA) no Consulado Nova Zelandia nian iha Dili.

Paulo nia qualifikasaun tuir mai maka nia atinji ona, “Bachelor of Applied Science (Planning)” husi Royal Melbourne Institute of Technology (RMIT University) no “Bachelor of Laws” husi Charles Darwin University. Paulo mos hotu ona nia curso formasaun juridiko nian, “Graduate Diploma in Legal Practice” husi Australian National University. 

Paulo Adriano da Cruz Araujo nomeadu husi Parlamentu Nasional hodi simu posse nudar membru ba Conselho de Imprensa de Timor-Leste nian iha loron 10 Maio 2016, mandatu 2016-2020.*** 

Francisco Belo Simões da Costa,  nu’udar membru Conselho de Imprensa de Timor-Leste, ne’ebe hetan tomada de posse iha Parlamentu Nacional (PN) iha loron 10 Maio 2016. Nia eleitu husi organizasaun jornalista, Timor Leste Press Union (TLPU),  mandatu 2016-2020. 

Quito Simões, naran familiar ho kolega jornalista sira, ne’ebe hala’o mos kna’ar hanesan Jornalista, Koordenador kobertura no Editor iha Grupo Media Nacional (GMN/Jornal Nacional Diario ho Jornal Nacional Semanario) husi tinan 2011 to’o agora. Antes ne’e, Quito Simões, servisu nudar Jornalista iha STL Media Group (Suara Timor Lorosa’e). 

Ho dedikasaun servisu no konhesimentu naton iha area jornalismu nian, iha tinan klaran 2007, dirijentis no nain ba STL Media Group  nomea Quito Simões  asume responsabilidade legal nudar Editor Ezekutivu (Managing Editor) to’o tinan 2010. 

Entre tinan 2004,Quito Simões, tuir kursu jornalista baziku nian iha Lembaga Pers Dr. Soetomo (LPDS), Jakarta-Indonesia no aproveita oportunidade iha Jakarta, nia mos halo estajiu (magang) iha Jornal Nacional KOMPAS.   

Iha fali tinan 2007, Quito Simões, kontinua hikas nia kursu jornalismu intensivu iha LPDS Jakarta. Hafoin ne’e, nia ba koninua nia estajiu (magang) iha jornal TEMPO no halo mos estudu komparativu iha televizaun privadu TRANS-TV iha Jakarta. 

Tinan 2011, Quito  Simões, husik hela nia servisu iha STL Media Group hodi ba haknar fali atvidades jornalismu nian iha GMN nudar editor. Nune’e, iha tinan 2014, Quito hetan fiar hodi assume knar nudar Koordenador Kobertura iha GMN. 

Liu husi kongresu nasional asosiasaun jornalista sira nian, Timor Leste Press Union (TLPU), iha loron 30 Abril 2016, Quito Simões hetan fiar hodi asumi núdar Prezidenti TLPU ba periodu 2016-2020. **

Image

Sekretariadu

Diretora Exekutiva

Ana "Shandy" Teresa Sequeira

Diretora Exekutiva
Diretur DAFAL

Ermenjildo da Costa

Diretur Diresaun Administrasaun, Finansas, Aprovizionamentu no Logistika
Funsionariu
  • Adelina LI Duarte
  • Almerio DJ Barros
  • Dulce T da Costa
  • Agostinho da S Soares
  • Georginho A Fernandes
  • Efigenia IF Soares
  • Manuel AG da Silva
  • David D Goncalves
  • Liliosa Amaral
  • Domingas do Rego
  • Jose DCDJ de Almeida
  • Zito C. Junior
Diretur DAFAL

Ligia Viera do Amaral

Diretora Diresaun Rekursu Humanu
Funsionariu
  • Aniceto dos Santos
  • Estanislau DC Lourdes
  • Rosalina P da Rocha
  • Adelina A Gusmaõ
Diretur DAFAL

Olderico A. da Costa

Diretur Diresaun Apoiu Juridiku no Etika Liberdade Imprensa
Funsionariu
  • Antonito dos R Baptista
  • Francisco B Cunha
Diretur DAFAL

Altino D.C. Freitas

Diretur Diresaun Komunikasaun Sosial, Relasaun Institusional no Koperasaun
Funsionariu
  • Maria Bibel
  • Santino D Matias
  • Angelina Gusmao
  • Elizita Pinto
  • Efrem D Guterres
  • Prezaldo Almeida
Diretur DDAM

Alberico D.C. Junior

Diretur Diresaun Dezenvolvimentu Analize Mídia
Funsionariu
  • Caetano Alves
  • Lazaro Ximenes
  • Julieta X. Sequeira