Previous Next

Prezidente CI: Papél CI Iha Kombate Hoax

Atividade Hare na'in: 226

Dili – Hoax nu’udar informasaun falsu ne’ebé mosu liu husi liña internet hodi hamosu ta’uk, paniku no seluk tan ba ema barak, nune’e atu kombate hoax ka informasaun falsu, Timor-Leste Press Union (TLPU), realiza semináriu ho tema “Esforsu Ita Hotu Nian Ba Kontra Hoax,” iha salaun Konferénsia JL.Villa, 13/10/2020.

Prezidente Conselho de Imprensa de Timor-Leste (CI), Virgílio da Silva Guterres, sai oradór iha semináriu ne’e no foka aprezentasaun kona-ba, “Papél CI ba Kombate Hoax.”

“Conselho de Imprensa desde nia moris iha 2016, institusionalmente iha kompromisu e mós iha kooperasaun rejionál balu, ne’e iha kompromisu koletivu, Conselho de Imprensa hola parte Plataforma identidade reguladora komunikasaun sosiál CPLP ninian ne’ebé hahú iha 2014 kuandu Timor-Leste sai uma nain ba konferénsia asembleia CPLP ninian, entaun iha area komunikasaun sosiál momentu ne’ebá CI seidauk iha maibé Sekretáriu Estadu Komunikasaun Sosial mak inisia e hola parte hanesan fundadór ba Plataforma CPLP ninian,” dehan Prezidente CI.

Prezidente CI informa katak, “2016 CI mosu, ba troka pozisaun Sekretáriu Estadu Komunikasaun Sosiál e iha enkontru PER ninian iha Guinee Bissau iha 2016 Novembru, iha ne’ebá kedas hetan koñesimentu nu’udar membru, fó diretu devér pleno, iha deklarasaun Guinee Bissau ne’e pontus ida mak ko’alia kona-ba estratéjia koletivu CPLP atu kombate hoax ka disinformasaun.”

Prezidente CI hatutan katak, “deklarasaun primeiru mak ne’e, ho diskursu de ódiu ne’e la’ós kebebasan pers, la’ós liberdade imprensa, ida ne’e inimigu liberdade imprensa ninian tanba ne’e mak ita ida-idak e hamutuk tenke kombate.” 

Partisipantes semináriu mak membru TLPU no Jornalista sira.     
    

Imprimir