Painél Juri ba Produtu Jornalistiku Entrega Rezultadu Evaluasaun ba CI

Atividade Hare nain: 1189

Díli – Hafoin hakat liu tiha etapa evaluasaun lubun ba produtu jornalistiku ne’ebé jornalista sira aplika ona ba prémiu CI nomós prémiu “Jornalizmu ba Paz hosi Centro Nacional Chega – CNC, Painél Juri kompostu husi ema nain 7, feto 1 no mane 6, foti desizaun ba manán nain prémiu iha loron 7/10/2020 no entrega rezultadu ne’e ba Conselho de Imprensa de Timor-Leste (CI), iha loron 8/10/2020.

Rezultadu referee simu husi Prezidente CI, Virgílio da Silva Guterres, husi Prezidente Juri, Lirio da Fonseca, iha salaun Konferénsia CI, Quintal Boot.

Iha prosesu entrega rezultadu ne’e, Prezidente Juri, hato’o mós rekomendasaun sira ba CI ba kompetisaun produtu jornalistiku sira iha períodu tuir mai.

Prezidente CI, agradese tanba simu ona rezultadu no sei konsidera rekomendasaun sira ne’ebé Painél Juri sira hato’o. 

Painél Juri sira mak hanesan Lirio da Fonseca, José Maria Ximenes, Elisio Pinto, Xisto Viana, Gaudencio Marques  Fiqueiredo, Rafael Ximenes de Assis Belo no Zevonia Vieira.