Atividade

Conselho de Imprensa Partisipa iha Lansamentu Sítiu Eletróniku  Rádiu Komunidade 14

Conselho de Imprensa Partisipa iha Lansamentu Sítiu Eletróniku Rádiu Komunidade 14

Liquiça – Conselho de Imprensa de Timor-Leste (CI), partisipa iha atividade lansamentu rádiu streaming no sítiu eletróniku rádiu komunidade 14, ne’ebé realiza iha edifísiu Rádiu Tokodede, munisípiu Liquiça, Sesta-feira (29/05).

Prezidente CI, Virgílio da Silva Guterres hatete importante tebes atu dijitaliza rádiu komunidade sira, maibé Conselho de Imprensa husu atu labele elemina formatadu analog tanba komunidade barak mak seidauk asesu ba internet.
“Bele Dijitaliza ona maibé labele haluha ida analog ne’e, tanba ita nia komunidade balun nia maneira atu rona ita liuhosi analog ne’e,” hatete Prezidente CI, Virgilio da Silva Guterres.

Nia dehan komunidade balun seidauk asesu ba internet tanba ne’e, radiu komunidade sira kontinua mantein analog ne’e, nune’e bele responde ba komunidade sira ne’ebé seidauk asesu ba dijitalizasaun.

Iha fatin hanesan, Sekretáriu Estadu Komunikasaun Sosiál (SECOMS), Merício Juvinal dos Reis “Akara”, hatete oras ne’e dadaun estasaun rádiu komunidade sira tama tan ba Plataforma foun maka dijitalizasaun.

“Ita tama iha Plataforma foun hosi analog ba dijital, maibé ha’u sempre dehan iha situasaun agora ita labele halo lakon analog, husi parte rua ne’e la’o hotu,” dehan SECOMS, Merício Juvinal dos Reis “Akara”.

Ho prosesu ida hosi analog ba dijitalizasaun maka rádiu komunidade sira sei lori Timor-Leste fatin hotu-hotu.

Radiu sira ne’ebé dijitalizadu maka hanesan

www.radiotokodede.org Rádiu Komunidade Liquiça,

www.radiocomoro.org Rádiu Komunidade Comoro,

www.radio-cafe.org Rádiu Kafe Ermera,

www.radio1912.org Rádiu 1912 Manufahi,

www.radiolianmatebean.org Rádiu Lian Matebian Baucau,

www.radiomauloko.org Rádiu Mauloko Maubissi,

www.radiorahusar.org Rádiu Raihusar Aileu,

www.radiolospalosvoxpopuly.org Rádiu Vox Populy Lospalos,

www.radioatonilifau.org Rádiu Atoni Lifau RAEOA,

www.radiomaliana.org Rádiu Komunidade Maliana,

www.radiopovoviqueque.org Rádiu Povu Viqueque,

www.radiosahebucoli.org Rádiu Sahe Bucoeli,

www.radioiliwai.org Rádiu Komunidade Iliwai Manatuto

www.rcct.tl no Rádiu Komunidade Cova Taroman Covalima.