Previous Next

CI Despedida Estudante Komunikasaun Sosiál UNITAL

Dili, Conselho de Imprensa de Timor-Leste (CI), despedida Estudante Komunikasaun Sosiál UNITAL, nain rua kompostu husi feto nain ida no mane nain ida ne’ebé finaliza ona sira nia estáJiu iha CI, iha salaun enkontru CI, Quintal Boot, Segunda-Feira, 23/3/2020.

Membru Conselho de Imprensa de Timor-Leste (CI), Konselleiru, José Maria Ximenes, husu ba estájiariu nain rua atu uza no aproveita ho di’ak matenek ne’ebé hetan iha Conselho de Imprensa.

Iha fatin hanesan, Reprezentante Xefe Departamentu Komunikasaun Sosiál UNITAL, agradese ba kooperasaun hamutuk entre CI no UNITAL ne’ebé fó prioridade mós ba estájiariu sira atu pratika matenek ne’ebé hetan iha universidade.

Aida Belina Monteiro no Gilberto Cabral De Araujo hanesan estájiariu UNITAL iha CI mós agradese ba CI tanba fó ona oportunidade ba estájiu no partisipa mós iha formasaun jornalizmu sira hanesan fake news ka notísia falsa, partisipa iha sensibilizasaun sira Lei Komunikasaun Sosiál no Regulamentu CI,  fahe informasaun kona-ba mídia no diplomasia no seluk tan. 

CI entrega mós sertifikadu ba estájiariu husi Departamentu Komunikasaun Sosiál, Universidade Oriental (UNITAL), ne’ebé remata estájiu iha CI 22/1/2020-22/3/2020.
Estudante estájiariu nain rua mós entrega prenda ba Membru no Ezekutivu CI.


Imprimir   Email