Dili, Funsionáriu Conselho de Imprensa de Timor-Leste (CI) hetan informasaun kona-ba rejime kontributivu seguransa sosiál hosi Institutu Nasionál Seguransa Sosiál (INSS).
Induzaun kona-ba rejime kontributivu seguransa sosiál no regulamentu Interna ba funsionáriu Conselho de Imprensa ne’e, realiza iha salaun enkontru CI, Quintal Boot, Dili, iha loron 6/3/2020 hodi hatán ba duvida no konfuzaun sira husi funsionáriu CI kona-ba seguransa sosiál.
Diretór Ezekutivu Conselho de Imprensa, Rigoberto Monteiro, husu ba funsionáriu CI atu aproveita rona informasaun ho di’ak tanba asuntu seguransa sosiál nu’udar direitu fundamental ba traballadór hotu.
Delia Belo, Asesóra Juridiku INSS, iha nia aprezentasaun informa katak rejime ne’e funsiona ho kontribuisaun traballadór no entidade empregadores sira tantu husi seitor privadu no husi seitor públiku ba karteira komún ida no karteira komún ne’e sei la jere hamutuk ho orsamentu jerál estadu.
Asesóra Juridiku INSS, mós esplika kona-ba Dekretu Lei Nu 12/2016. 14 Novembru katak traballadór sei kontribui 4% husi nia saláriu ba karteira komún no empregadores sira sei kontribui 6% ba karteira komún.
Aleindene’e Asesóra Juridiku INSS, hatán perguntas sira husi funsionáriu CI kona-ba oinsá hatene kona-ba montante deskontu 4% husi saláriu funsionáriu no kontribuisaun 6% no seluk tan no esplika mós benefísiu husi Seguransa Sosiál ba traballadór sira.
Seguransa Sosiál nu’udar direitu fundamental traballadór ne’ebé temi iha Artigu 24, Deklarasaun Universal Diretu Umanu