Previous Next

Francisco Belo : Iha Timor Akontese Kazu Infrasaun Iha Midia

Dili, Conselho de Imprensa de Timor-Leste (CI), realiza sensibilizasaun Lei Komunikasaun Sosiál no Regulamentu CI ba Mídia Nain no Jornalista Sira iha salaun konferénsia Garden Beach, Pantai Kelapa, Sesta-feira, 22/11/2019, ne’ebé loke hosi Membru CI, Konselleiru, Francisco Belo S. Da Costa.

Iha nia diskursu loke sensibilizasaun ne’e, Konselleiru, Francisco Belo, informa katak, “iha keixa sobre ita hirak nia produtu jornaistiku, iha mós lamentasoins, iha mós kritika ba ita sira nia servisu, entaun liu hosi meiu sira hanesan ne’e, ita koko transforma malu, saida mak ita hadi’a, Conselho de Imprensa presiza ita boot sira nia idea, ita boot sira nia hanoin, atu oinsá maka ita hotu hadi’a, ita hotu dezenvolve mídia iha Timor.”

Konselleiru, Francisco Belo, informa mós katak, “iha Timor akontese, buat ne’ebé ami rona, informasaun ne’ebé ami rona, ami tenta verifika, informasaun sira ne’e iha kazu infrasaun lubuk ida ne’ebé akontese iha mídia sira, liuliu intervensaun proprietáriu mídia sira iha konsellu redasaun.”

Membru Conselho de Imprensa ne’e esplika advokasia sira ne’ebé CI halo ba mídia sira relasiona ho infrasaun ba kódigu étika jornalistika no esplika mós oinsá maka bele estabelese konsellu redasaun iha meiu komunikasaun sosiál sira.
Partisipa iha enkontru ne’e mak Diretór Mídia, Xefe Redasaun no Jornalista sira ho total partisipantes 37.


Imprimir   Email