Previous Next

CI Espera Kongresu Radio Luzófona Bele Halo Mós iha TL

Angra do Heroismo, Açores, 2/11/2019, Prezidente Conselho de Imprensa de Timor-Leste (CI) Virgílio da Silva Guterres, espera, Kongresu ba Radio Luzófona, aban bairua (kada tinan Rua) bele halo mós iha Timor-Leste, nune’e bele habadak distansia jeografia entre Nasaun Luzófona sira. Liafuan ne’e prezidente hato’o bainhira halo diskursu iha loron daruak (II) Kongresu Internasionál Radio Luzófona, iha edifísiu Centro Cultura e de Congressos de Angra do Heroismo, Ilha Terceira, Açores.

Prezidente agradese ba ARIC ne’ebé konvida Conselho de imprensa de Timor-Leste bele partisipa Kongresu Internasionál Radio Luzófona, “ ha’u mós aproveita agradese ba ARIC, ne’ebé konvida direitamente CI hodi mai partisipa sira nia Kongresu ba dala uluk ne’e,” konta Prezidente.

Iha fatin ne’e mós, Prezidente dehan, “oradór sira ne’ebé ARIC konvida mai ne’e mesak potensiál, akadémiku, hosi ema sira ne’ebé mak serbisu iha Rádiu i mós komunikasaun Sosiál, atu hato’o sira opiniaun kona-ba Rádiu ninian, hanesan hosi Angola nian, Brazil nian no mós rai sira seluk ne’ebé hetan mós konvite hosi Rádiu Luzófona. “

“Inisiativa ida ita apresia i ba oin ita hein katak, reprezentasaun nee maluk sira ne’ebé servisu iha radiu mak representa mai, tambá Conselho de Imprensa mai hanesan orgaun Regulador tambá lolos maluk sira hosi radio sira mak mai,” hateten Prezidente.

Tuir prezidente, Timor-Leste la’ós seidauk ko’alia kona-ba Rádiu maibé loron ida sei liu hosi faze sira hanesan ne’e. Tanba ne’e Conselho de Imprensa hakarak esforsu mak oinsá Timor-Leste restaura nia esforsu sira ne’ebé ke iha atu iha kapasidade, atu bele ajusta ho teknolojia foun sira ne’e. “ buat ne’ebé ohin ha’u hateten mak teknolojia sira ne’e mai atu komplementa ita nia forsa atu rádiu ne’e sai meiu de Komunikasaun ida ne’ebé ke pratika, lais liu kompara ho meius de komunikasaun sira seluk,” dehan Prezidente.

Kongresu ne’e organiza hosi Klibur Radio sira ho Inspirasaun Kristaun (ARIC-sigla portugés) durante Loron tolu, hahú hosi 1 to’o 3 Novembru 2019. Kongresu ne’ebé partisipa hosi responsavel radio nasaun luzofona ne’e hala’o iha edifísiu Centro Cultura e de Congressos de Angra do Heroismo, Ilha Terceira, Açores.**


Imprimir   Email