Previous Next

CI Agradese Oitavu Governu Tanba Hahú Investe iha Dezenvolvimentu Komunikasaun

Díli – Conselho de Imprensa de Timor-Leste (CI), hato’o agradese ba Sekretáriu Estadu Komunikasaun Sosiál no Oitavu Governu ne’ebé iha kompromisu hodi hahú investe iha seitór komunikasaun ninian.

Prezidente CI, Virgílio da Silva Guterres, hato’o kestaun ne’e bainhira sai nu’udar oradór ba atividade workshop hosi Sentru Formasaun Técnica em Comunicação (CEFTEF – Sigla Portuges) ho tema “Avaliasaun Jerál ba Atividade Formasaun Períodu 2019”, iha salaun Tower conference, Fatuhada – Díli, tersa-feira (29/10).

“Conselho de Imprensa hakarak hato’o apresiasaun ida maka’as tebes ba oitavu Governu nia kompromisu atu hahú investe iha dezenvolvimentu komunikasaun ninian,” dehan prezidente CI, Virgílio da Silva Guterres.

Nia esplika oitavu governu la’ós de’it investe iha seitór komunikasaun sosiál ka imprensa nian maibé mós oinsá prepara profisionál sira ne’ebé serbisu iha ministériu sira atu oinsá bele halo komunikasaun ida di’ak ho públiku.

Apresiasaun hirak ne’e, prezidente ko’alia iha ámbitu avaliasaun CEFTEC nian durante loron tomak iha ne’ebé prezidente CI hetan fiar hodi sai mós nu’udar oradór prinsipál hodi ko’alia kona-ba karteira professional no oinsá atu asesu ba profisaun jornalista. (CI)


Imprimir   Email