Previous Next

Kolókiu Públiku kona-ba Étika Jornalízmu ba Estajiáriu KP

Díli – Conselho de Imprensa de Timor-Leste (CI), realiza kolókiu públiku ho tema “Étika Jornalízmu, Hametin Estajiáriu sira nia Koñesimentu iha Área Jornalízmu,” ba estajiáriu Karteira Profisionál (KP).

Kolókiu públiku nu’udar parte ida hosi formasaun hotu ba estajiáriu KP atu kapasita sira nia koñesimentu iha área jornalízmu, molok hetan Kartaun Karteira Profisionál hosi Conselho de Imprensa.

Iha abertura, Konselleiru, Francisco Belo Simões da Costa hatete dala barak ema tau kestaun katak Timor-Leste nia jornalista seidauk profisionál maibé sira la sukat jornalista nia kontribuisaun ba rai ida ne’e.

“Jornalista mós iha nia kontribuisaun boot ba rai ida ne’e, hahú hosi luta mai to’o ukun-án. Iha tinan 2002 bainhira ita restaura ita nia independénsia, jornalista sira hatudu nia kontribuisaun oinsá atu dezenvolve rai ida ne’e. Dezafiu sira ne’ebé sira hatuur sai hanesan esperansa no korajen ba ita, krítika sira ne’e hanesan korajen ba ita atu halo serbisu di’ak liután,” esplika konselleiru, Francisco Simões Belo da Costa.

Kolókiu Públiku dahuluk ne’e, Conselho de Imprensa, liuhosi Diresaun Dezenvolvimentu Análize Mídia (DDAM), aprezenta temátiku rua (2) hanesan Étika Jornalízmu no Elementu 10 Jornalízmu nian.

Partisipa iha atividade kolókiu públiku, konselleiru Francisco Belo Simões da Costa, Diretór DDAM, Alberico da Costa Junior, Estajiáriu KP na’in 7, ne’ebé realiza iha loron 5/9/2019, iha salaun enkontru CI, Matadoru, Dili.


Imprimir   Email