Atividade

Dewan Pers Indonézia Sei Kontribui Dezenvolve Kapasidade Jornalista Iha Timor-Leste

Jakarta, Dewan Pers Indonézia (Conselho Imprensa Indonézia) sei servisu hamutuk ho Conselho de Imprensa de Timor-Leste (CI), atu aumenta jornalista no mídia sira ninia kapasidade hodi oferese informasaun ne’ebé kualidade ba públiku.

Asuntu ne’e mak sai nu’udar agenda importante ne’ebé ko’alia iha enkontru entre Prezidente Conselho de Imprensa de Timor-Leste (CI) ho Ketua Dewan Pers Indonézia, Mohammad Nuh, iha salaun enkontru DPI, Kebon Sirih, Jakarta – Indonézia, iha tersa-feira, 02/07/2019.

“Ita bele hamutuk dezenvolve mídia tantu iha Timor-Leste no mós iha nasaun sira seluk, tanba lala’ok hodi mídia nee mak lintas nee mak karater hosi mídia, tanba saida mak akontese iha nee, notísia ne’e la’ós akontese iha nee de’it maibé bele too ba fatin seluk,” esplika Ketua Dewan Pers Indonézia ho lian Indonézia wainhira enkontru ho Prezidente CI.

Nia reforsa katak, atu garantia kualidade informasaun ba públiku tanba ne’e presiza iha treinamentu no sertifikasaun ba jornalista sira. Antigu Ministru Edukasaun Indonézia ne’e mós haktuir katak notísia ida tenke iha dadus no faktu hodi públiku bele hetan informasaun los no saudavel atu kontribui ba dezenvolvimentu.

Iha oportunidade ne’e, Prezidente CI, Virgílio da Silva Guterres hateten, CI eskoila DPI tamba ragaun jornalista Timor-Leste barak aprende ona iha Indonézia, kestaun lian nomós esperensia, ne’ebe DPI iha esperensia barak hodi sai hanesan lisaun ba jornalista sira iha Timor-Leste atu aprende.

Iha enkontru ne’e, Prezidente CI mos konvida antigu Ministru Komunikasaun no Informasaun Indonézia ne’e, atu partisipa iha komemorasaun aniversáriu Conselho de Imprensa de Timor-Leste ne’ebé sei hala’o iha fulan Maiu tinan 2020.

Enkontru ne’e hanesan mós parte ida hosi agenda vizita profisionál ne’ebé delegasaun CI hala’o durante semana rua, ne’ebé semana dahuluk iha Dewan Pers Indonézia no segundu semana iha Lembaga Bantuan Hukum Pers (LBH), Jakarta – Indonézia. Atividade ne’e, hahú iha loron 01-12 / 07 / 2019. (CI)