Dili, Xefe Advisor Tékniku UNDP Timor-Leste, Tito Filipe hatoó ba partisipantes treinamentu journalizmu komprensivu fase da tolu katak, atu hetan susesu periza prosesu ida.
“Hau lee livru ida ne’ebé dehan learning is the proses for success, maibé atu hetan susesu ida ne’e ita presiza tuir prosesu ida, la’os ita tuur install langsung hetan kedas.”
Tito Filipe hato’o lia ne’e wainhira hala’o evaluasaun ikus, entre partisipantes no fasilitadór Treinamentu Jornalizmu Kompriensivu da tolu, iha salaun konferénsia Maubara Room, Timor Plaza (27/5/2019).
“Fulan 3 nia laran ita boot sira aprende, karik balun hetan no balun la konsege, tanba tempu la to’o ho matéria oin-oin, iha formasaun ida ita labele 100 porsentu atu hetan buat hotu hosi formador ida-idak ne’ebé mak hato’o, esplika Tito Filipe.
Iha fatin hanesan, Analizador Komunikasaun UNDP Timor Leste, Yuichi Ishida, hato’o parabéns ba partisipantes sira. Yuichi mós konsidera produtu finál iha pratika treinamentu ne’e partisipantes sira produs ho kualidade. Produtu hirak ne’e hanesan hakerek notisia ba Radio, Televizaun no Jornál.
Nia mos husu atu partisipantes sira persiza disiplina ho tempu, “se ita respeita tempu, ita respeita ita nia an, tanba ita nia tempu hanesan ita nia moris, se ita tarde, ita sees husi ita nia moris.”
Diretór Diresaun Dezenvolvimentu no Analiza Mídia, Alberico da Costa Junior, hateten husu partisipantes sira kuntinua buka atu aprende iha ida-idak ninia servisu, leaning by doing, katak ita serbisu sambil aprende, aprende hosi serbisu saida mak ita halo, ida ne’e parte ida hosi leaning by doing ida ne’e parte ida importante.”
Durante evaluasaun, partisipantes hamutuk 25 ne’e agradese wa’in ba CI no UNDP tanba fó oportunidade ba sira aprende. Maske treinamentu ne’e la’o de’it iha fulan tolu nia laran maibé sira sente hanesan hetan matéria tinan ida.
Partisipantes hosi Departementu Komunikasaun UNTL no UNITAL kontenti tamba hetan pratika barak iha trinamentu ne’e, tamba iha universidade sira aprende barak liu mak teoria enkuantu pratika menus.
Partisipantes sira mós husu atu CI no UNDP hatama materia kona-ba audio journalizmu inklui treinamentu nivel avansadu iha treinamentu tuir mai, atu sira mós bele partisipa. (CI)