Conselho Imprensa Ho Ministériu dos Negósius Estranjeirus no Kooperasaun Diskuti kona-ba Realizasaun DDF

Díli – Iha loron 09-10 Maiu 2019, Conselho de Imprensa de Timor-Leste (CI), sei realiza hikas Semináriu Internasionál “Dili Dialogue Forum (DDF)”, iha ámbitu komemorasaun aniversáriu CI nian ba dala tolu (3).

Relasiona ho realizasaun DDF, maka Conselho de Imprensa de Timor-Leste (CI) realiza enkontru ofisiál ida ho Ministru dos Negósius Estranjeirus no Kooperasaun (MNEK, iha Kuarta (20/03), iha MNEK, Praia dos Coqueiros.

Hola parte iha enkontru ne’e, hosi ekipa CI maka Prezidente CI, Virgílio da Silva Guterres, Membru CI, Konselleiru Hugo Maria Fernandes no Diretór Diresaun Komunikasaun Sosiál, Relasaun Institusionál no Kooperasaun, Altino da Cruz Freitas. Hosi parte MNEK nian maka, Ministru-MNEK, Dionísio Babo Soares, Sefe Gabinete-MNEK, Agustinho Caet no Diretór ba Asuntu Sudeste Aziátiku no Oseania-MNEK, Lisualdo Gaspar.

Iha enkontru, CI husu apoiu MNEK nian atu oinsa bele fó apoiu iha parte protokolu nian atu oinsá maka bele simu bainaka sira hosi estranjeiru nomós organiza atividade DDF iha parte protokoler.

DDF sei realiza iha Loron 09-10 Maiu 2019, partisipa hosi bainaka estranjeiru sira hanesan Conselho Imprensa nasaun sira iha Azia no Pasífiku (Indonézia, Austrália, Thailandia, Filipina, Myanmar, Papua Nova Guinea), nomós péritus no antigu jornalista hosi Portugal, Adelino Gomes.

Tuir planu, DDF sei realiza iha Salaun Enkontru Kay Rala Xanana Gusmão, Ministériu das Finansas, Aitarak Laran, hahu loron 09-10 fulan Maiu tinan 2019.

CI mós hato’o ba Ministru MNEK kona-ba serbisu kooperasaun sira ne’ebé CI hala’o tiha ona iha meadu fulan Marsu tinan ida ne’e mak hanesan, asina akordu kooperasaun ho entidade reguladora meiu komunikasaun sosial iha Jakarta, Indonesia, hanesan iha tabela tuir mai:

Tuir planu iha tinan ne’e, Conselho de Imprensa de Timor-Leste mos sei asina akordu ida ho Komisi Penyiaran Indonesia (KPI) hodi hare kona-ba kriasaun ba draft lei Radio no Televizaun.

Tamba ne’e sei koordena ho Ministériu dos Negósius Estranjeirus no Kooperasaun hodi bele fasilita no garantia akordu hirak bele implementa tuir base legál no planu programa Conselho de Imprensa de Timor-Leste.

Durante ne’e Conselho de Imprensa mos asina ona akordu servisu hamutuk ho UNESCO iha área auto-regulasaun mídia, Agensia Nasoens Unidas ba Programa Desenvolvimentu – UNDP, ne’eb’e fasilita formasaun multi media ba jornalista no estudantes Departementu Komunikasaun Sosiál husi UNTL no UNTL inklui akoordu kooperasaun sira seluk. (CI)
    


Imprimir   Email