Consultant Media UNDP: Apresia ho Partisipantes Treinamentu Journalizmu Komprensivu

Dili, iha treinamentu ne’ebé hala’o durante loron tolu hahú hosi 17-19/12/2018, iha salaun Konferénsia Hotel Ramelau ne’e, partisipantes Treinamentu Jornalizmu Kompriensivu aprende kona-ba Video Journalism hamutuk ho Shinj-Ichiro Monjo, Consultant Media UNDP Timor-Leste.

“Ha’u jornalista entaun ha’u ladún gosta hanorin iha kuartu laran de’it hanesan iha meza, filozofia iha meza nian mak laiha pratika, entaun ha’u hanoin ka ha’u fó sira pratika barak, ba field, ba outside, ba li’ur” dehan Consultant Media UNPD ne’e relasiona ho lalaok treinamentu kona-ba Video Journalism, no oinsa foka no halo editing ba video uza software video editing iha PC, laptop no Smartphone.

Shinj-Ichiro Monjo subliña katak, iha treinamentu ne’e partisipantes sira bele hetan esperensia oinsa hetan angle ne’ebé uniku“ohin loron sira aprezenta notísia, ne’e mai ha’u interesesante tebes, seidauk to profisionál maibé sira balu hetan angle di’ak, uniku,”
Domingos Soares, Estudante Komunikasaun Sosiál UNTL, informa saida mak nia aprende iha sesaun video journalism, “durante aprende video journalism, ami aprende barak, ezemplu oinsá atu foti video ne’ebé di’ak,” haktuir Domingos Soares.

Nune’e mós ho Imelda Maria Fatima, partisipantes hosi Sentru Mídia Investigativu, hatete katak nia aprende mos kona-ba oinsa edita video,“durante loron tolu ha’u aprende oinsá maka editing video, video editing ne’ebé ami aprende iha aplikasaun filmora nian.

”Imelda mós haktuir katak, sei aplika materia treinamentu ne’ebé nia aprende iha ninia organizasaun, “hosi treinamentu jornalismu kompriensivu ba dala rua ida ne’e ha’u aprende buat barak ,ha’u hakarak hatudu iha ami nia sentru, ami nia mídia, ami nia organizasaun.”


Imprimir   Email