Dili, Partisipantes Treinamentu Jornalizmu Kompriensivu Faze II, aprende kona-ba “Photo Journalism” ne’ebé fasilita hosi Communication Analysis UNDP-Timor-Leste, Yuichi Ishida, durante loron tolu (13-15/11/2018), iha salaun Konferénsia Hotel Ramelau.
“Loron 3, ha’u hanorin Journalism Photography, hanorin komposisaun, hanorin uza camera, depois kobertura iha field, agora ha’u hanoin jornalista Timor tenke uza photo ba ko’alia, ha’u hare photo barak arbiru de’it, laiha objetivu hasai photo, ha’u hakarak partisipantes sira uza photography ho objetivu atu fó mesajen ba povu, dehan Communication Analysis UNDP-Timor-Leste, Yuichi Ishida.”
Nogueira Mendes, hosi Online Neon Nain, informa mós nia saida mak nia aprende hosi sesaun photo journalism, katak, “orgullu no sente kontente tanba bele aprende tipu - tipu hosi photography,” tuir Noquera Mendes.”
“Ha’u nia rekomendasaun ba CI no UNDP se bele formasaun ne’e kontinua, laos ami maibé jornalista tomak atu nune’e sira bele komprende objetivu hosi photography, se bele haruka jornalista sira halo estudu banding, iha nasaun avansadu atu iha koñesimentu kle’an, rekomenda Nogueira.
Isabel Freitas, partisipantes hosi Radio Metro FM, haktuir mós koñesimentu foun ne’ebé nia hetan hanesan oinsa uza formatu save, uza tool hanesan ISSO no seluk tan. “Ha’u hanesan jornalista ne’ebé kleur ona, maibé kona-ba uza camera ha’u seidauk iha koñesimentu uitoan, esplika Isabel Freitas.
Treinamentu foka ba Photo Journalism ne’e remata ho sesaun pratika ne’ebé hala’o iha Merkadu Manleuana no Merkadu Tais, Kolmera, Dili hanoin partisipantes sira ensera treinamentu ne’e hodi apresenta kona-ba sira ninia rejultadu pratika. (CI)