Planu Kobertura Importante Ba Jornalista

Dili, Communication Officer UNDP Timor-Leste, Yuichi Ishida no Xefe Unidade Produsaun no Mídia Conselho de Imprensa de Timor-Leste (CI), Maria Bibel, halo aprezentasaun matéria kona-ba tékniku dezenvolve planu kobertura, iha salaun konferénsia Ótel Ramelau, kuarta (17/10).

Communication Officer UNDP Timor-Leste, Yuichi Ishida,  esplika katak jornalista tenki iha planu kobertura ne’ebé diak atu bele ajuda visualiza informasaun nune públiku bele kompriende no troka sira ninia hanoin kona-ba akontesementu ruma.

“Jornalista no estudante sira bele aprende atu hanoin, jornalista labele hanoin badak de’it, ezersísiu ne’e, ita hare problema depois impaktu, iha ita nia matan, uza visual, depois sira bele komprende , depois sira bele troka,  sira nia abilidade ba logical thinking,” esplika Yuichi Ishida.

Xefe Unidade Produsaun no Mídia (CI), Maria Bibel,iha nia aprezentasaun foka klean liu ba tékniku dejenvolve planu kobertura ka TOR Kobertura hosi esplika sobre signifikasaun, funsaun no kritériu hosi TOR.


Signifikasaun mak TOR nu’udar planu kobertura (outline), ho TOR, publikasaun focus, kle’an no kompletu, TOR bele influensia dezenvolvidu ka lae mídia ne’e no TOR nu’udar mata-dalan komún ba servisu hotu redasaun nian.

“Funsaun hosi TOR vital tebes ba determina tema kobertura, atu rezumu problema no buka nia solusaun problema liu hodi fontes ne’ebé determinadu, no finaliza kobertura tuir tempu, TOR importante tebes ba ema ne’ebé halo kobertura,” esplika Maria Bibel.

Partisipantes treinamentu, Januariu Amaral, hosi Jornál Timoroman,  no Laurinda Soares, hosi Radio Akadémika UNTL informa, treinamentu ne’e halo sira aprende oinsá atu ajuda identifika asuntu no preparasaun sira ne’ebé mak presiza halo molok ba kobertura.

Iha kinta (18/10) partisipantes treinamentu Jornalizmu Komprensivu ba daruak, hala’o onsite visit iha eskola Sekundaria Públiku 28 Novembru, Bekora, Dili, Ministériu Edukasaun Munisípiu Dili no Organizasaun Naun Governmental Timor Leste Coalition for Education (TLCE). Atividade ne’e hodi implementa materia kona-ba planu kobertura ba asuntu edukasaun. 


Imprimir   Email