Francisco Belo : CI Sai Guardiaun Ba Lei Komunikasaun Sosiál No Kódigu Étika Jornaliztika

Dili, Membru Conselho de Imprensa de Timor-Leste (CI), Konselleiru, Francisco Belo S. da Costa, fahe informasaun kona-ba “Oinsá Dezenvolve Notísia Iha Meius Komunikasaun Sira”  ba partisipantes  programa curso de estado-maior conjunto e integrado entre PNTL No F-FDTL, iha aula Institutu Dezenvolvimentu Nasionál IDN, tersa, 18/9/2018.

Konselleiru Francisco Belo, rezumu matéria formasaun kona-ba oinsa identifika, produs, desenvolve no publika notisias iha meius komunikasaun sosiál sira ne’ebé liga ho Conselho de Imprensa nia kna’ar , “notísia ida ne’ebá bele kategoria pelanggaran etik (kontra kódigu étika), entaun kompeténsia Conselho de Imprensa nian mós ida mak atu oinsá sai guardiaun ba Lei Komunikasaun Sosiál ho kódigu étika ne’ebé maka  Conselho de Imprensa rasik aprova sai matadalan ba jornalista sira,”esplika Konselleiru CI ne’e.

Partisipantes curso PNTL, Emilio do Santos, informa mos kona-ba materia ne’ebé hetan hosi CI kona-ba lalaok produsaun notisia no lei komunikasaun sosiál ne’ebé liga ho kna’ar PNTL no Falintil – FDTL, “Conselho Imprensa halo ona aprezentasaun matéria lubuk ida, balu  esplika ona kona-ba oinsá mak produz notísia, balun esplika kona-ba lei komunikasaun sosiál ninian no matéria ne’ebe ami hetan ligadu ho servisu Polisia nomós F-FDTL.” Deklara Emilio do Santos.

Tenente Koronél, Alberto P. do Santos, Koordenador Curso de Estado-Maior Conjunto e Integrado entre PNTL No F-FDTL haktuir katak, formasaun ne’e importante ba partisipantes sira nia koiñesimentu iha área komunikasaun, “ema sira ne’ebá forma ne’e tenke iha konxiénsia katak komunikasaun ne’e maka bele fósolusaun ba buat barak, tamba sein komunikasaun, ne’e ita labele sik malu saida mak ida seluk nia hanoin,” esplika Alberto P. do Santos.

Hatán ba kooperasaun ba futuru Conselho Imprensa no IDN, koordenador ne’e  esplika katak ba oin automatikamente IDN sei presiza nafatin Conselho Imprensa nia kontribuisaun.


Imprimir   Email