Dili, Independensia Conselho de Imprensa hosi Governu no polítika sira nia intervensaun sai nu’udar topiku importante iha sesaun fahe esperensia ka sharing experiences, husi loron daruak iha konferénsia Internasionál Dili Dialog Forum, iha salaun konferénsia Ministériu Finansas, Aitaraklaran, Dili, sexta (20/08).
Representante no aktuál Sekretária Conselho Mídia no Editor, Papua New Guinea Press Council, Belinda Kora, hatete mídia falsu no online sai hanesan obstaklus ida ne’ebé mídia no Conselho de Imprensa PNG hasoru tamba nia sira kuntinua fo conselho ba redasaun iha mídia sira atu servisu ho responsabilidade.
“Ita tenki kompriende ita nia kna’ar saida no baseia ba saida mak ita atu fo informasaun, ne’e ita nia responsabilidade ba sira,” esplika Belinda Kora.
Tuir nia Conselho de Imprensa iha PNG mos asina ona akordu ida ho Governu PNG hodi sai nu’udar orgaun ne’ebé independente ba asegura liberdade imprensa no liberdade espresaun.
Nune’e mós, Ahmad Djauhar, Adjuntu Responsavel Conselho Imprensa Indonesia (Dewan Pers Indonesai – DPI) ko’alia kona-ba servisu DPI nian no dezafiu sira ne’ebé DPI hasoru iha hala’o nia servisu hanesan kontrola mídia falsu sira no la iha intervensaun hosi Governu ba Conselho de Imprensa ninia servisu.
“Mídia mak poder boot liu nu’udar meius ida bele infiltra ba aspektu hotu - hotu atu akomoda ideas ba popualsaun sira no sai instruemntu ida hodi bele hatudu buat ne’ebé diak ba nasaun ida, no bele sai hanesan besik asu ida atu povu bele uza hodi hatun presaun politika,” haktuir Ahmad Djauhar.
Husi sorin seluk, Executive Director Phipilines Press Institute, Ariel Cervantes Sebellino, konta katak sira kuntinua servisu hodi garantia mídia ka jornalsita sira nia kna’ar, “servisu iha CI sira tenki protese ninia sidadaun hotu – hotu inklui nia jornalista. Bainhira ita koalia kona-ba protesaun ita tenki hare kona-ba – questaun impunidade.”
Iha oportunidade ne’e representante Conselho de Imprensa Thailândia, Boonrat Apichattrisorn, esplika katak sira iha ona auto-regulasaun maibe seidauk implementa ho diak. “iha ona auto-regulasaun maibé ninia efisiensia seidauk la’o los nune’e kontinua ezije muda lei ruma ne’ebé kontra prinsípiu auto-regulasaun maske hasoru presaun, “hatete Boonrat Apichattrisorn.
Alein ne’e, Country Correspondent ba Timor-Leste, Papua New Guinea no Solomon Islands ba Reporters Sans Frontiers (Paris), Bob Howarth, fahe nia koñesimentu n kona-ba mídia iha Papua Nova Guinea PNG, “Jornalista iha PNG halo servisu todan, hau halo survey, balu hetan sona no hetan ameasa kilat, ida ne’e presaun boot ba jornalista sira iha PNG, espera ita bele halo buat barak ba mídia sira iha ne’ebá no espera forum ne’e bele hamosu rezolusaun ba apoiu sira.”
Iha diskusaun ne’e orador internasionál sira rekomenda ba Mídia no Conselho de Imprensa de Timor-Leste no sira seluk atu halo nafatin esforsu hodi Governu labele intervein mídia sira nia kna’ar tamba lei imprensa mak nu’udar sai atu salta intervensaun.