Conselho de Imprensa sira sei deskuti establesementu redi ba Conselho de Imprensa iha regiaun Sudeste Asiatiku no Asia Pasifiku

Dili, Prezidente Conselho de Imprensa de Timor-Leste, Virgílio da Silva Guterres hatete buat barak mak diskuti iha konferénsia internasional Dili Dialog Forum (DDF), hahu loron 19-20 Jullu tinan 2018, kona-ba mekanismu auto regulasaun nasionál no regionál.

Virgílio da Silva Guterres haktuir, orador internasionál sira hatete iha nesecidade atu hari redi refere maibé tempu laos agora tamba kontekstu desenvolvimentu demokrasia la hanesan, “balun demokratiku liu, balun foin demokratiku balun seidauk demokratiku, entaun fase sira ne’e mak halo partisipantes sira seidauk to’o iha konkordansia ida atu hahu buat ne’e. Esplika Prezidenti Conselho de Imprensa wainhira relata rejultadu DDF ba Xefi Kada Sivíl Prezidensiál Republika, ne’ebé representa Xefi Estadu, Fransisco Guterres – Lu Olo, hodi ensera konferénsia Internasionál ne’e, sexta (20/08).

Iha eventu altu nivél ne’e Conselho de Imprensa hodi nasaun sira seluk fo apresiasaun makas ba desenvolvimentu liberdade imprensa no liberdade espresaun iha Timor-Dleste. “Ita foin moris maibe indeks liberdade prestasaun ka desenvolvimentu liberdade imprensa no liberdade espresaun, globalmente ita kuntinua sae, esplika Virgílio. 

Figura númeru dauluk iha Conselho de Imprensa Timor-Leste ne’e mos hato’o rekomendasaun hosi Eis Prezidente Republika nu’udar mos laureadu nobel da paz, Jos’e Ramos Horta ne’ebé husu Governu no estadu Timor-Leste atu tau matan ba kompania mídia sira. 

Iha mensagen husi Prezidente Republika, Fransisco Guterres – Lu Olo, ne’eb’e le’e husi Xefi Kasa Sivil Prezidenti Republika, Fransisco Maria de Vasconcelhos hatoó saudasoens ba orador espesial no partisipantes hotu – hotu inklui hirak ne’ebé mai hosi rai liur atu hamutuk ho Conselho de Imprensa de Timor-Leste oinsa haforsa, monitoriza no proteje liu tan jornalista sira nia direitu atu espresa an ho liberdade la tauk atu fo sira nia hanoin liu husi orgaun meius komunikasoens  sosiál iha sudeste asiatiku no pasifiku. 

Iha mensagen ne’e Xefe estadu promete katak, estadu sei apoiu asosiasaun jornalista sira no Conselho de Imprensa de Timor-Leste atu garantia liberdade imprensa no espresaun iha país ne’e.

“Maluk timor oan no belun sira biar laos fasil hari imprensa ida livre no independente , ha’u fiar katak asosiasaun jornalista sira nian ho Conselho de Imprensa de Timor-Leste ho apoiu estadu Timor-Leste nian sei bok an nafatin atu garantia jornalista sira halo serviso informativu ho kualidade as, lais no independente. 

Prezidente Republika mos fiar katak ho apoiu husi Conselho de Imprensa iha sudeste asiatiku no pasifiku, UNESCO no organizasaun sira, Conselho de Imprensa de Timor-Leste atu hare oinsa identifika lalais nain ba lia bosok ne’ebé buras lalais hodi sobu unidade nasionál no paz no estabilidade iha  Timor-Leste. Lu Olo husu ba povo atu konsidera jornalista nu’udar edukador profionál ne’ebé hato’o lialos no habelar prinsipiu no valores ne’ebé heroi no timor oan sira tane to’o ohin loron no husik mos ba jerasaun foun sira.

Prezidenti mos husu jornalista sira tenki sai jornalista investigativu, “ha’u husu ba jornalista ida-idak atu buka halao bebeik jornalizmu investigativu katak tenki buka hatene lolos no kelan, hosi fontes oinoin, husi sorin rua ne’ebé haksesuk malu, laos fo sai informasaun falsu atu povu bele fo fiar nafatin jornalsita sira nu’udar edukador seriu ba povu.”


Imprimir   Email