Prezidente Komisaun Organizadóra DDF Relata Planu, Preparasaun No Realizasaun Dili Diálogu Forum

Dili, Iha parte introdusaun loron primeiru DDF, Prezidente Komisaun Organizadóra, Francisco Belo Simoens da Costa, informa relatóriu kona-ba planu DDF, realizasaun DDF, preparasaun DDF ate realizasaun DDF.

Tuir nian Dili Dialogue Forum ho objetivu atu haforsa mekanizmu auto regulasaun iha rejiaun hotu, fo apoiu ba diskusaun mekanizmu saida de’it mak presiza atu estabelese atu hasoru hoax, fake news, propaganda falsu iha mídia sosiál no internet.

“Sai perguntas maka presiza ka lae estabelese Forum Conselho Imprensa iha rejiaun aziátiku no Pasífiku,” esplika Prezidente Komisaun Organizadóra DDF.Dil i Dialog Forum tuir planu hala’o iha loron 9-10 Maiu 2018 maibé muda ba loron 19 – 20 fulan Jullu 2018 tamba impaktu husi iha impase polítika.

Prezidente Komisaun Organizadóra DDF agradese ba parseiru importante sira ne’ebé fó apoiu ba realizasaun DDF hanesan, Sekretáriu Estadu Komunikasaun Sosiál SECOMS, Ministériu Negósiu Estranjeiru no Kooperasaun MNEC, Ministériu Finansas, UNESCO, UNDP, Embaixada Nova Zelandia, Timor-Telecom, Aero Dili, Timor Holding, AGEH no mós órgaun no meius komunikasaun sira hotu ne’ebé eziste iha Timor-Leste.

Tuir agenda konferénsia internasionál  ofisialmente loke husi Primeiru Ministru, Taur Matan Ruak, maibe Xefe Governo la marka precensa hodi representa husi Sekretariu Estadu Komunikasaun Sosiál, Mericio Juvinal Dos Reis “Akara”. 

Iha ninia diskursu Akara hatete Governu konsideira mídia hanesan pilar importante ba demokrasia inklui garante liberdade asesu no fó informasaun.

Nia hatete, governu iha komitmentu kolabora ho mídia husi nasaun sira seluk, inklui nasaun  ASEAN no CPLP hodi dezenvolve no garantia liberdade espresaun, no direitu ba informasaun. Nia mos hatete mídia privadu bele sai parseiru estratejiku  iha área komunikasaun sosiál.

Iha nia diskursu, Prezidente Conselho de Imprensa de Timor-Leste (CI), Virgilio da Silva Guterres, fó benvindu ba bainaka internasionál sira ne’ebé mai hosi sudeste aziátiku no Pasífiku, ba membru Governu no Reprezentante Órgaun no meius komunikasaun sira hotu.

Iha sesaun hanesan, Lim Ming Kuo, Advisor Informasaun UNESCO, informa katak Dili Dialogue Forum hanesan oportunidade importante atu ko’alia kona-ba auto-regulasaun mídia. 

Nune’e mós ho  Rui Trivedy, Koordenador UNRC, hatete, Dili Dialogue Forum tempu ne’ebé di’ak atu hahú halo diskusaun kona-ba regulamentu sira, “hametin transparénsia instituisaun , iha ne’e mak papél mídia nia la’o,” dehan Trivedy.


Imprimir   Email