Prezidente CI, Virgílio da Silva Guterres hala’o Audensia ho Dr. Ramos Horta

Prezidente CI, Virgílio da Silva Guterres hala’o Audensia ho Dr. Ramos Horta

Atividade Hare nain: 1431

Díli – Prezidente Conselho de Imprensa de Timor-Leste (CI), Virgílio da Silva Guterres hala’o audensia ho laureadu Nobel da Pas, Dr. Ramos Horta, foin lalais ne’e iha serbisu fatin, Faról Díli.

Hafoin remata audensia, Prezidente CI ba mídia sira hatete CI diskuti hamutuk ho Dr. Ramos Horta atu hare ba oinsá kontribuisan Laureadu Nobél da Pas nian ba atividade sira Conselho de Imprensa nian iha Futuru.

“Ami diskuti hamutuk kona-ba Conselho de Imprensa nia aktividade ba oin no oinsá Dr. Ramos horta nia kontribuisaun ne’ebé bele ajuda CI nia serbisu”, dehan Prezidente CI, Virgílio da Silva Guterres.

Iha audensia ne’e mós Prezidente CI, ofisialmente konvida Dr. Ramos Horta hodi partisipa noa sai oradór iha Semináriu Díli Dialogue Forum (DDF) iha ámbitu aniversáriu CI nian ba daruak.

Enttretantu Dr. Ramos Horta fó hanoin ba Conselho de Imprensa atu oinsá atu buka fó apoiu ba mídia sira. Ramos dehan ekonomia Timor-Leste sei fraku hela, tanba iha mundu hotu-hotu iha mídia ne’ebé independente depende ba ekonomia.

“Ha’u fó ideas ba Conselho de Imprensa oinsá ita hare meius atu apoiu ita nia mídia tanba ita nia ekonomia fraku. Iha mundu hotu-hotu iha mídia ne’ebé independente depende ba ekonomia”, dehan Ramos Horta.

Ramos rekoñese ekonomia Timor-Leste fraku tebes nune’e fó impaktu tebes ba mídia liu-liu jornalista sira atu halo serbisu ho di’ak. Tanba ne’e Ramos Horta husu ba Governu  atu buka meius oioin hodi fó apoiu ba mídia sira. 

jDr. Ramos Hora mós hola parte iha Semin’ariu Dili Dialogue Forum no sai hanesan oradór xave ho tema “oinsá órgaun auto-reguladora komunikasaun sosiál iha globál no rejiaun dezafia Hoax, fake news iha mídia sosiál no oinsa Governu nia intervensaun”.