CI No UNDP Koopera Ho Ministériu Defeza no Seguransa, Fahe Informasaun Kona-ba Serbisu Seguransa Iha TL

CI No UNDP Koopera Ho Ministériu Defeza no Seguransa, Fahe Informasaun Kona-ba Serbisu Seguransa Iha TL

Atividade Hare nain: 5425

Dili - Papél Ministériu Defeza no Seguransa no prinsípiu fundamentais seguransa, nu’udar asuntu importante ne’ebé hato’o hosi Diretór Jerál Kooperativa, Ministériu Defeza no Seguransa, Guihermina F. S. Ribeiru, iha Treinamentu JornalizmuKompriensivu ba sesaun dala 16 ne’ebé hala’o iha salaun konferénsia Hotel Ramelau, Kinta-feira, 5/7/2018.

“Seguransa iha Komponente boot rua, Komponente ida mak PNTL, ne’ebé ninia autonomia rasik, ho monitorizasaun no supervizaun hosi ita nia polítiku ne’ebé mak tutela, iha mós área seluk ne’ebé mós boot, sira mak imigrasaun ne’ebé halo kontrolu ba ita nia sidadaun sira, sidadaun nasionál no sidadaun estranjeiru ne’ebé tama sai ita nia territóriu,” DJ Kooperativa ne’e introdús. 

Responsavél ne’e mós haklean liu informasaun kona-ba serbisu Komponente sira ne’ebé integra iha área seguransa ninian hanesan diresaun jerál operasionál, ne’ebé kaer diresaun hat, hanesan diresaun protesaun sivíl ne’ebé kaer bombeiru, iha mós diresaun nasionál seguransa e patrimóniu públiku, diresaun nasionál prevensaun konflitu komunitáriu no diresaun nasionál seguransa boviariu. Guihermina F. S. Ribeiru ko’alia mós kona-ba Komponente korperativa ne’ebé toma konta rekursu umanu, logistic, finansas. 

Iha nia aprezentasaun, DJ Kooperativa ne’e esplika katak, “papél defeza la sees hosi oinsa  atu asegura ita nia rai, defeza hosi rai li’ur enkuantu seguransa atu asegura ita nia estabilidade rai laran.”

“Prinsípiu fundamentais seguransa liga ona ho mundu jornalizmu no direitus liberdade serbisu pesoais, ne’e mós parte ida hosi área seguransa ninian,” dehan Guihermina F. S. Ribeiru.

Iha sesaun husu no hatán, partisipantes sira husu barak liu kona-ba serbisu diresaun nasionál prevensaun konflitu komunitáriu ne’ebé estabelese OPS ka ofisiál polísia suku, ne’ebé halo ema barak kestiona katak iha overlapping serbisu, tanba iha Ministériu seluk mós mak hare ba asuntu hanesan, no iha mós partisipantes seluk ne’ebé kestiona kona-ba atendimentu polísia ba iha kampu dala balun mosu asaun fíziku ba komunidade no jornalista rasik. 

Hatán ba ne’e, DJ Korporativus ne’e esplika katak, desizaun polítika afeta situasaun ida ne’e, overlapping duni, mas ho kriasaun OPS situasaun ida ne’e minimiza atu labele overlapping, halo kooperasaun serbisu, no atu minimiza tortura ba komunidade no jornalista, Ministériu iha polítika ba kontrolu.