Dili, 12/082018- jornalista hosi agênsia noticiosa Timor-Leste Tatoli, Rita Almeida hatete kna’ar jornalista importante iha prosesu kampañia no eleisaun.
“Durante prosesu kampañia eleitorál to’o mai agora iha eleisaun jornalista kuntinua nafatin halo sira nia pepél ne’ebé que bele informa no eduka ita nia eleitoráll sira atu oinsa bele partisipa iha prosesu ida ne’e”, hatete Rita Alemeida, wainhira halo kobertura ba eleisaun iha sentru votasaun Eskola Ensinu Basiku Metiaut Dili, sábadu 12/05/2018.
Koalia kona-ba jornalista ninia kna’ar, Primeiru – Ministru no aktuál Sekretáriu Gerál Partidu Fretilin, Mari Alkateri, hato’o obrigadu ba kontribuisaun jornalista no mídia sira durante Kampañia no Eleisaun Antesipada Parlamentar.
“Obrigadu ba kontribuisaun no sempre presente, i ha’u ba fatin hotu – hotu jornalista sempre iha neba”, esplika Mari Alkateri ba jornalista nasionál no internasional sira hafoin fo ninia votus iha sentru votasaun Eskola Ensinu Basiku Faról, Dili (sábadu,12/05/2018).
Alkateri mos apela ba populasaun hotu atu ba vota hodi ezerse sira nia direitu tamba eleisaun iha loron 12 fulan Maiu tinan 2018 hanesan eleisaun ne’ebé importante tebes atu Timor-Leste sai hosi krisi institusionál.
Portavos Aliansa Maioria ba Progresso - AMP, Taur Matan Ruak, apresia ho jornalista sira nia serbisu maske iha kritika.“Diak kapas ha’u gosta los imi halo kobertura didiak biar ema akuja imi balun favorese liu ba ida ne’e ida neba”, esplika Taur, wainhira akompañia hosi nia espoza, Isabel Pereira, ba vota iha sentru votasaun Metiaut, iha oras 09:30 dader.
Iha sorin seluk, Prezidente Repúblika, Fransisco Guterres – Lu Olo hatete partisipasaun populasaun iha Eleisaun Antensipada Parlamentar importante hodi determina desenvolvimentu iha futuru, “ita hotu – hotu mai vota par atu ita bele hakat ba oin,” esplika Lu Olo.