Atividade

Produto Journalistika Atu Fó Informasaun, Eduka, Diverte no Kontribui Ba Pás

Produto Journalistika Atu Fó Informasaun, Eduka, Diverte no Kontribui Ba Pás


 Dili, Konsilleiru Conselho de Imprensa de Timor-Leste (CI), Francisco Belo, hatete produto jornalístika nu’udar produtu ne’ebé atu fo informasaun, eduka, diverte povu no kontribui ba pás tamba ne’e mídia tenki iha redaksaun, independensia editorial.

Alem de ne’e jornalista sira tenki obdese ba povu laos atu serbi mídia nain.

“Jornalista serbisu ba kepentingan umum (entrese komun), jornalista la serbisu ba kepentingan polítika (entrese politika), la serbisu ba kepentingan ekonomia (entrese ekonomia), jornalista mós la obedese ba nain ba mídia ne’ebé harii mídia maibé nia obedese ba povu.

” Konselleiru, Francisco Belo, hato’o lia ne’e wainhira apresenta materia kona-ba tekniku hakerek notisia, iha fase ba danen hosi treinamentu journalista komprensivu ne’ebé organiza hosi CI no UNDP, iha Ótel Ramelau, Dili, foin lalais ne’e.

Treinador ne’e nota katak informasaun ne’ebé publika barak liu foka ba notísia divertimentu, desportu no notísia internasionál sira, “ema hakarak hatene akontesimentu sira ne’ebé akontese, ida ne’e importante, ita dala barak hare notísia sira ne’ebé entertain, desportu no internasionál.

” Iha treinamentu ne’ebé hala’o iha loron 12/04/2018 ne’e, Konselleiru CI, José Maria Ximenes, hamosu game kona-ba informasaun ne’ebé pasa hosi ema dahuluk to’o ema ne’ebé ikus liu ninia kontiudu informasaun ne’e sempre la hanesan. (CI)