CI No UNESCO Asina Kontratu Servisu Hamutuk Ba Projetu, “Hametin Mekanizmu Auto-Regulasaun Mídia iha Timor-Leste.”

CI No UNESCO Asina Kontratu Servisu Hamutuk Ba Projetu, “Hametin Mekanizmu Auto-Regulasaun Mídia iha Timor-Leste.”

Atividade Hare nain: 4137

Prezidente Conselho de Imprensa de Timor-Leste (CI), Virgilio da Silva Guterres, hamutuk ho Membru CI no Ezekutiva CI, hala’o enkontru ho Asesór Komunikasaun no Informasaun UNESCO Jakarta, Ming Kuok-Lim, ba serbisu hamutuk entre CI no Organizasaun Mundial Nasoens Unidas ba asuntu  edukasaun, siénsia no kultura - UNESCO sobre, Hametin Mekanizmu Auto-Regulasaun Mídia iha Timor-Leste, iha Sala Plenaria CI, iha tersa – feira, 23/01/2018.

Enkontru hahú ho diskusaun kona-ba ajenda, sobre enkontru ho parseiru sira ne’ebé sei realiza iha Tower  Conference (tower bar) Fatuhada – Dili, loron 24/01/2018.

Prezidente Conselho de Imprensa de Timor-Leste (CI), Virgílio da Silva Guterres, esplika asuntu sira ne’ebe sei inklui iha ajenda, enkontru ho parseiru, hanesan oinsá halo intervensaun ba sentru mídia partidu polítiku (parpol), mídia sosiál, broadcasting low no dezenvolve estratéjia advokasia ba mídia propaganda.

Asesór Komunikasaun no Informasaun UNESCO Jakarta, Ming Kuok-Lim, hatete enkontru ne’ebé sei hala’o ho parseiru sira iha loron 24/01/2018 ne’e importante atu rona opiniaun, “stake holder meeting (24/01/2018) hanesan guideline ba prosesu hotu ba hare futuru asaun ba serbisu hamutuk, hodi hetan konsensu no rona opiniaun husi parseiru, ne’e importante tebes.” 

Iha enkontru ne’e Asesor Programa no Planeamentu CI, Rigoberto Monteiro, ko’alia kona-ba posibilidade ba realiza eventu boot sira hanesan Díli Dialog Forum, Word Freedom Day no LPDC meeting iha Fransa, ne’ebé sei hala’o iha tinan 2019.

Alein ne’e ko’alia mós kona-ba asina akordu entre UNESCO, CI no Universidade 2 ba implementasaun planu servisu hamutuk ne’e, no aprezenta mos Xefe Komisaun Organijadora mak Membru CI, Konselleiru, Fransisco Belo, ne’ebé responsabiliza preparasaun enkontru ho parseiru sira. 

Enkontru ne’e remata ho asina akordu serbisu hamutuk entre CI no UNESCO ba projeitu “Hametin Mekanizmu Auto-Regulasaun Mídia iha Timor-Leste.”