Dili, 1/12 – Conselho de Imprensa de Timor-Leste (CI) serbisu hamutuk ho ONG Marie Stopes realiza treinamentu oras rua (2), iha salaun enkontru Ministériu Obras Publika, Caicoli-Dili, iha loron 1/12/2017.
Youth and Disability Partnership Coordinator hosi ONG Marie Stopes, Helio Afranio Soares, hatete orgullu tanba CI konsidera ONG Marie Stopes hodi halo aprezentasaun sobre sexual harassment ba pesoál hotu CI nian.
Diretora Ezekutiva, Ana Teresa Sequeira, agradese ba ONG Marie Stopes tanba fó ona tempu no matéria sobre seksuál harassment hodi aprezenta ba pesoál CI sira.
Diretora Ezekutiva ne’e espera treinamentu ne’e bele lori vantajen di’ak ba pesoál hotu CI nian.
Iha sesaun aprezentasaun matéria, Youth and Disability Partnership Coordinator hosi ONG Marie Stopes, Helio Afranio Soares, esplika katak hahalok seksuál harassment ka ásidu sexual, dala barak liu halo ema hanoin katak hahalok ne’e hanesan hahalok ida baibain akontese ona nune’e konsidera baibain de’it.
Maski nune’e, tuir Helio katak seksuál harassment bele afeta ba ema nia dignidade pesoál no halo ema la konfortabel ho hahalok ne’e. Ásidu Sesuál nu’udar hahalok ka asaun ho natureza seksuál ne’ebé ema ida halo ba ema seluk, ne’ebé halo ema sente efondida, laran moras, moe ka intimida nian.
Nune’e, Helio esplika kle’an kona-ba saida mak asédiu sexual no oinsá prevene liu husi hatudu filmazen. Iha sesaun aprezentasaun ne’e, Pesoál CI pro ativa tebes iha hato’o perguntas.
Hafoin remata treinamentu oras rua ne’e, Diretora Ezekutiva CI hato’o agradesemento ba fasiltator sira hosi ONG Marie Stopes, “obrigadu ba fasilitadór tanba bele konklui matéria hodi hasa’e koñesimentu pesoál CI ba asuntu ásidu sexual”.
Diretora Ezekutiva espera katak ho aprezentasaun ne’e pesoál CI sira bele iha koñesimentu no hahú kria ambiente serbisu ne’ebé di’ak no bele hala’o knar livre husi hahalok ásidu sexual no husu atu pesoál CI hotu hamriik hodi asegura ambiente serbisu ho di’ak liután.