Atividade

CI Partisipa  Enkontru regular Plataforma Entidade Regulador PER ba dala VI

CI Partisipa Enkontru regular Plataforma Entidade Regulador PER ba dala VI

Maputo - Mozambique, 24/10 - Tinan ne’e, enkontru regular Plataforma Entidade Regulador (PER) ba dala VI hala’o ho tema, “A Produção de Conteùdos no Espaço da Língua Portuguêsa”, realiza iha Hotel Avenida, Maputo-Mozambique. Pessoa hosi Diresaun Komunikasaun Sosiál no Relasaun Instituisional no Kooperasaun, Angelina Gusmao, ne’ebé partisipa iha enkontru ne’e relata katak, atividade ne’e hahú iha loron 23 to 28 Outubru 2017, ne’ebé Conselho de Imprensa de Timor-Leste (CI) nu’udar membru ba PER partisipa mós iha enkontru referee.

Iha tersa-feira,24 /10/2017, loron dahuluk VI enkontru ne’e, hahú ho konferénsia. Durante konferénsia nasaun membru ida-idak iha sesaun dahuluk hato’o aprezentasaun  kona-ba produsaun konteúdu ba publikasaun iha era digitál, foka liu ba dezafiu teknolojia ninia relevansia no kualidade, no oinsá estimula dezenvolvimentu indústria ho konteúdu digitál, hare ba iha TV digitál no konferénsia teknolojia  iha plataforma diferente.

Hafoin iha sesaun intervensaun nian ko’alia kona-ba mídia no jéneru, ne’ebé aprezenta hosi Entidade Reguladora Comunicação (ERC), Portugal no Autoridade Reguladora Comunicação Social (ARC), Cavo-verde.

Aprezentasaun hosi ERC-Portugal ne’ebé hato’o hosi Dra. Tania Soares, Diretora Departamentu Analiza Mídia ERC, Portugal, foka kona-ba regulasaun  tema violénsia doméstika no jéneru.  
Nune’e hosi ARC foka liu ba tratamentu jornalistiku ho tema violénsia doméstika hare hosi prespektivu jéneru iha televizaun publika Cabo-Verde.

Iha sesaun daruak intervensaun kona- ba konteúdu iha lian Portuguesa, nasaun sira ne’ebé aprezenta maka Cavo-Verde, Conselho Superior Communicação Social Mozambique, Angola no Conselho de Imprensa Timor-Leste.

Durante konferénsia nasaun membru ida-idak fahe esperiénsia katak, órgaun regulador komunikasaun social sei enfrenta dezafiu  kona-ba konteúdu produsaun no konteúdu iha lian Portuguêsa iha era digital, tanba mídia nasionál no lokal ne’ebé eziste iha nasaun membru balun maioria halo publikasaun iha lian materna.

Atu neutraliza publikasaun iha konteúdu produsaun nian, Produtor no realizador cinematográfico, João Ribeiro hatete, konteudu mak liurai ba produsaun hot-hotu.

Nune’e Professor. Doutór Severino Ngoenha, hosi Universidade téknika Mozambique nian dehan, konteúdu produsaun ne’ebé  iha kualidade, liu-liu konteúdu produsaun ba Televizaun digital iha devér atu halo publikasaun ida ne’ebé akumula valor diversidade, kultura, edukativu, pluralismu, humanismu, inovativu, no pozitivu. Delegasaun Timor-Leste ne’ebé partisipa iha enkontru ne’e kompostu husi Prezidente Conselho de Imprensa, Virgílio da Silva Guterres, Consilheru CI, Paulo Adriano da Cruz Araujo no Pessoa hosi Diresaun Komunikasaun Sosiál no Relasaun Instituisional no Kooperasaun.(CI)